khmer eng
  • លោកជំទាវ មាន សំអាន បានអញ្ជើញចុះសួរសុខទុក្ខ និងនាំយកអំណោយមួយចំនួនទៅចែកជូនដល់លោកគ្រូ អ្នកគ្រូ និងកុមារកំព្រាដែលកំពុងស្នាក់នៅមណ្ឌលកុមារកំព្រា ២ធ្នូ ស្ថិតនៅក្នុងខេត្តកំពង់ឆ្នាំង
     
    ចែករំលែក ៖

    នាព្រឹកថ្ងៃទី១៣ ខែសីហា ឆ្នាំ២០២១ លោកជំទាវ មាន សំអាន ប្រធានគណៈកម្មការទី៨ ព្រឹទ្ធសភា និងជាអនុប្រធានសមាគមនារីកម្ពុជា ដើម្បីសន្តិភាពនិងអភិវឌ្ឍន៍ ដោយមានការចូលរួមពីឯកឧត្តម ស៊ុន សុវណ្ណារិទ្ធិ អភិបាលនៃគណៈអភិបាលខេត្ត និងលោកជំទាវ ព្រមទាំងឯកឧត្តម លោកជំទាវ លោក លោកស្រី ជាថ្នាក់ដឹកនាំនិងមន្ត្រីជុំវិញខេត្ត បានអញ្ជើញចុះសួរសុខទុក្ខ និងនាំយកអំណោយមួយចំនួនទៅចែកជូនដល់លោកគ្រូ អ្នកគ្រូ និងកុមារកំព្រាដែលកំពុងស្នាក់នៅមណ្ឌលកុមារកំព្រា ២ធ្នូ ស្ថិតនៅក្នុងខេត្តកំពង់ឆ្នាំង ដើម្បីជួយសម្រួលនូវទុក្ខលំបាកក្នុងកាលៈទេសៈនៃការរីករាលដាលនៃជំងឺកូវីដ-១៩។

    លោកជំទាវ បានមានប្រសាសន៍ពាំនាំពីការផ្ដាំផ្ញើសាកសួរសុខទុក្ខរបស់សម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា ឯកឧត្តមកិត្តិនីតិកោសលបណ្ឌិត ស៊ឹម កា អនុប្រធានទី១ព្រឹទ្ធសភា និងឯកឧត្តមកិត្តិសង្គហបណ្ឌិត ទេព ងន អនុប្រធានទី២ព្រឹទ្ធសភា ដែលជានិច្ចកាលតែងតែនឹករលឹកដល់កុមារកំព្រាដែលបាននឹងកំពុងស្នាក់នៅគ្រប់មណ្ឌលកុមារកំព្រាទូទាំងប្រទេស។ លោកជំទាវបានធ្វើការផ្តាំផ្ញើដល់កុមារកំព្រាទាំងអស់ត្រូវចេះថែរក្សាសុខភាព និងអនាម័យក្នុងការរស់នៅ ត្រូវចៀសឱ្យឆ្ងាយពីគ្រឿងញៀន និងត្រូវប្រឹងប្រែងខិតខំរៀនសូត្រ។

    លោកជំទាវបានបញ្ជាក់ថា បច្ចុប្បន្ននេះជំងឺកូវីដ-១៩ បាននិងកំពុងរាតត្បាតកាន់តែខ្លាំង ដូចនេះការរស់នៅក្នុងមណ្ឌលសូមក្មួយៗ ចៅៗ ត្រូវប្រកាន់ខ្ជាប់នូវការអនាម័យល្អ និងអនុវត្តន៍ឱ្យបានត្រឹមត្រូវតាមវិធានការរបស់ក្រសួងសុខាភិបាល គឺពាក់ម៉ាស លាងសម្អាតដៃនឹងសាប៊ូ ឬអាល់កុលជាប់ជាប្រចាំ និងការរក្សាគម្លាតក្នុងការប្រាស្រ័យទាក់ទងគ្នា។

    អំណោយដែលបានផ្តល់ជូនក្នុងឱកាសនោះរួមមាន ៖ អង្ករ១តោន មី១០កេះ ទឹកត្រី៥យួរ ទឹកស៊ីអ៊ីវ៥យួរ ម៉ាស់ ទឹកអាល់កុល ទឹកផ្លែឈើ ទឹកក្រូច ទឹកបរិសុទ្ធ នំសាកឺរ៉ា
    និងចែកជូនថវិកាមួយចំនួនដល់លោកគ្រូ អ្នកគ្រូដែលគ្រប់គ្រងមើលថែកុមារកំព្រានៅក្នុងមណ្ឌលកុមារកំព្រានោះផងដែរ៕


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្ដម សុខ ឥសាន បានអញ្ជើញជួបសំណេះសំណាលជាមួយក្រុមប្រឹក្សាឃុំ សង្កាត់ ស្រុកពាមរក៍
    thumbnail
     
    ឯកឧត្តមកិត្តិសេដ្ឋាបណ្ឌិត ជា ជេដ្ឋ បានអញ្ជេីញសំណេះសំណាលជាមួយក្រុមប្រឹក្សាសង្កាត់ នាយប៉ុស្តិ៍នគរបាល ស្មៀន និងមន្រ្តី នៃសង្កាត់បឹងធំ ខណ្ឌកំបូល
    thumbnail
     
    ឯកឧត្តម ឡៅ ឆន បានអញ្ជើញចូលរួមបុណ្យសព ឧបាសិកា ញ៉ឹក ចន្ធូ ដែលបានទទួលមរណៈភាព
    thumbnail
     
    ឯកឧត្តម ឡោក ឆាយ អញ្ជើញបិទវគ្គស្តីពី អធិការកិច្ច (ជំហានទី២)
    thumbnail
     
    លោកជំទាវ ឃួន ឃុនឌី បានអញ្ជើញជាអធិបតីក្នុងពិធីជួបសំណេះសំណាជាមួយ លោកគ្រូ អ្នកគ្រូ សិស្សានុសិស្ស អាណាព្យាបាលសិស្ស និងបងប្អូនប្រជាពលរដ្ឋក្នុងឱកាសពិធីបើកសង្ក្រាន្ត នៃពិធីបុណ្យចូលឆ្នាំថ្មីប្រពៃណីខ្មែរ