khmer eng
  • ឯកឧត្តម អន ស៊ុំ និងឯកឧត្តម ឈើយ ចាន់ណា បានអញ្ជើញចុះជួបសំណេះសំណាល និងសាកសួរសុខទុក្ខបងប្អូនប្រជាពលរដ្ឋទទួលរងគ្រោះដោយជំនន់ទឹកភ្លៀង ចំនួន៨៦គ្រួសារ រស់នៅឃុំបត់ត្រង់ ស្រុកមង្គលបូរី ខេត្ត បន្ទាយមានជ័យ
     
    ចែករំលែក ៖

    នាព្រឹកថ្ងៃអាទិត្យ ទី១០ ខែតុលា ឆ្នាំ២០២១ ឯកឧត្តម អន ស៊ុំ លេខាធិការគណៈកម្មការទី៤ ព្រឹទ្ធសភា ឯកឧត្តម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ ឯកឧត្តម ប៉ាល់ សំអឿន លោកជំទាវ នួម សុភ័ណ ឯកឧត្តម អុី ឡុង អ្នកតំណាងរាស្រ្តមណ្ឌល ខេត្តបន្ទាយមានជ័យ អមដំណើរដោយ ឯកឧត្តម លី សារី អភិបាលរងខេត្ត និងលោអភិបាលស្រុក អភិបាលរងស្រុក ក្រុមប្រឹក្សាស្រុក លោកមេឃុំ បានអញ្ជើញចុះជួបសំណេះសំណាល និងសាកសួរសុខទុក្ខបងប្អូនប្រជាពលរដ្ឋទទួលរងគ្រោះដោយជំនន់ទឹកភ្លៀង ចំនួន៨៦គ្រួសារ រស់នៅឃុំបត់ត្រង់ ស្រុកមង្គលបូរី ខេត្ត បន្ទាយមានជ័យ បានជូនអំណោយជាគ្រឿងឧបភោក បរិភោគ ក្នុងមួយគ្រួសារទទួលបាន ៖ អង្ក ២៥គីឡូក្រាម, មី ១កេះ, ត្រីខ ១០កំប៉ុង, ទឹកត្រី ១យួរ និងទឹកសុីអុីវ ១យួរ។ ក្រោយពីបានស្តាប់សេចក្តីរាយការណ៍រួច ឯកឧត្តម បានថ្លែងអំណរគុណដល់អាជ្ញាធរ និងកងកំលាំងមានសមត្ថកិច្ចគ្រប់លំដាប់ថ្នាក់ ដែលបានខិតខំបំពេញការងាររបស់ខ្លួនដោយមិនគិតពីការនឿយហត់ ក្នុងការជួយសង្គ្រោះប្រជាពលរដ្ឋរកទីទួលសុវត្ថិភាព និងបានដោះស្រាយបញ្ហាបន្ទាន់នានា ចំពោះមុខទាន់ពេលវេលា។
    ឆ្លៀតក្នុងឱកាសនោះ ឯកឧត្តមក៏បានក្រើនរម្លឹកដល់ប្រជាពលរដ្ឋទាំងអស់ដែលកំពុងរស់នៅតាមទួលសុវត្ថិភាពក៏ដូចនៅតាមមូលដ្ឋាន សូមចូលរួមធ្វើអនាម័យឱ្យបានស្អាតគ្រប់គ្នា ដោយត្រូវអនុវត្តន៍នូវវិធានការ ៣ការពារ និង៣កុំ ឱ្យបានខ្ជាប់ខ្ជួន ដើម្បី ចៀសផុតពីការឆ្លងរាលដាលជំងឺកូវីដ-១៩ និងជំងឺរាតត្បាតផ្សេងៗ។


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម ខៀវ មុត ដឹកនាំកិច្ចប្រជុំក្រុមសមាជិកព្រឹទ្ធសភាប្រចាំភូមិភាគទី៥
    thumbnail
     
    សមាជិកគណៈកម្មការ ព្រឹទ្ធសភា បានអញ្ជើញចូលរួមក្នុងសន្និសីទថ្នាក់ជាតិស្តីអំពី គោលនយោបាយគ្រឿងស្រវឹងនៅកម្ពុជា
    thumbnail
     
    ឯកឧត្តម អ៊ុច បូររិទ្ធ អនុញ្ញាតឱ្យឯកអគ្គរដ្ឋទូតសាធារណរដ្ឋឆែកប្រចាំកម្ពុជា ចូលជួបសម្តែងការគួរសម និងពិភាក្សាការងារ
    thumbnail
     
    ឯកឧត្តម ងី ច័ន្រ្ទផល ដឹកនាំកិច្ចប្រជុំផ្ទៃក្នុងគណៈកម្មការទី១ព្រឹទ្ធសភា
    thumbnail
     
    ឯកឧត្តម ប្រាក់ សុខុន អនុញ្ញាតឱ្យឯកអគ្គរដ្ឋទូតសាធារណរដ្ឋឆែកប្រចាំកម្ពុជា ចូលជួបសម្តែងការគួរសម និងពិភាក្សាការងារ