ឯកឧត្តម អន ស៊ុំ និងឯកឧត្តម ឈើយ ចាន់ណា បានអញ្ជើញចុះសួរសុខទុក្ខ និងសំណេះសំណាលជាមួយក្រុមប្រឹក្សាឃុំទ្រាស់ ស្រុកស្វាយចេក ខេត្តបន្ទាយមានជ័យ
នាព្រឹកថ្ងៃ ព្រហស្បតិ៍ ទី១៤ ខែ តុលា ឆ្នាំ២០២១ ឯកឧត្តម អន ស៊ុំ លេខាធិការ គណៈកម្មការ ទី៤ ព្រឹទ្ធសភា ឯកឧត្តម ឈើយ ចាន់ណា លេខាធិការគណៈកម្មការទី ៧ ព្រឹទ្ធសភា និងជាសមាជិកក្រុម សមាជិកព្រឹទ្ធសភា ប្រចាំភូមិភាគទី៤ ឯកឧត្តម ឧត្តម សេនីយ៍ ទោ កែវ សេងឡាយ មេបញ្ជាការរងបញ្ជាការដ្ឋាន អគ្គបញ្ជាការកងរថក្រោះ និងជាមេបញ្ជាការកងរថក្រោះជួរមុខប្រចាំទិសភូមិភាគទី៥ រួមដំណើរលោក ដា ទឹង ប្រធានក្រុមប្រឹក្សាស្រុក បានអញ្ជើញចុះសួរសុខទុក្ខ និងសំណេះសំណាលជាមួយក្រុមប្រឹក្សាឃុំ ទ្រាស់ ស្រុក ស្វាយចេក ខេត្ត បន្ទាយ មានជ័យ ។ ក្រោយពីបានស្តាប់សេចក្តីរាយការណ៍របស់មេឃុំ ឃើញថាឃុំនេះពុំមានការរងនូវបញ្ហាជំនន់ទឹកភ្លៀងធ្ងន់ធ្ងរទេ ប៉ះពាល់តិចតួចលើដំណាំដំឡូង ចំនួនអ្នកកើតជម្ងឺកូវីត ១៨នាក់ ស្លាប់គ្មាន ចំណែកការងារភូមិឃុំមានសុវត្ថិភាពល្អប្រសើរ និងបានកោតសរសើរដល់ការដឹកនាំរបស់មេឃុំ ក្រុមប្រឹក្សាឃុំ និងសមត្ថកិច្ច បានធ្វើឱ្យឃុំមានការអភិវឌ្ឍរីកចំរើន ជាបន្តបន្ទាប់។ ទោះបីជាបញ្ហាប្រឈមតិចតួចក៏ដោយ អាជ្ញាធរត្រូវបន្តរួមគ្នាដោះស្រាយការងារផ្សេងៗ ពិសេសត្រូវយកចិត្តទុកដាក់ជំរុញប្រជាពលរដ្ឋដល់អាយុមិនទាន់មានឈ្មោះក្មុងបញ្ជីបោះឆ្នោតឱ្យទៅចុះឈ្មោះ ជាមួយនេះក៏ត្រូវពិនិត្យបញ្ហាអត្តសញ្ញាណប័ណ្ណ បង្កើនការផ្តល់សេវាសាធារណជូនប្រជាពលរដ្ឋ ការងារភូមិ ឃុំ មានសុវត្ថិភាពអនុវត្តឱ្យបានម៉ឺងម៉ាត់ បន្តផ្សព្វផ្សាយ អប់រំប្រជាពលរដ្ឋឱ្យរៀនរស់តាមបែបគន្លងថ្មី ដោយអនុវត្តជាប្រចាំនូវវិធានការ ៣ការពារ និង៣កុំ របស់រាជរដ្ឋាភិបាល ក៏ដូចជាក្រសួងសុខាភិបាល។ ក្នុងនេះឱកាសនោះ ឯកឧត្តម បានឧបត្ថម្ភជូននូវម៉ាស់ ចំនួន៧៥០ម៉ាស់ ដបបាញ់ ៣ អាល់កុល ១កាន ថវិកា ១០០ដុល្លារ និងម្នាក់ៗទទួលបានសៀវភៅ១ក្បាលផងដែរ។
