ព្រឹកថ្ងៃចន្ទ ទី២៥ ខែតុលា ឆ្នាំ២០២១ ឯកឧត្តម អ៊ឹង លាងហ៊ួ សមាជិកគណៈកម្មការទី៧ ព្រឹទ្ធសភានិងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៧ រួមដំណើរជាមួយ ឯកឧត្តម នៃ ចារី អភិបាលរងខេត្តកុំពង់ឆ្នាំង ចុះជួបសំណេះសំណាល និងសួរសុខទុក្ខអភិបាលស្រុក ក្រុមប្រឹក្សាស្រុក ក្រុមប្រឹក្សាឃុំព្រៃគ្រី សរុបចំនួន២០នាក់ ស្ថិតនៅសាលប្រជុំសាលាស្រុកជល់គិរី ខេត្តកំពង់ឆ្នាំង។ ក្រោយពីបានស្តាប់សេចក្តីរាយការណ៍របស់អាជ្ញាធរស្រុករួចមក ឯកឧត្តម បានថ្លែងកោតសរសើរ និងវាយតម្លៃខ្ពស់ចំពោះលទ្ធផល នៃការរួមគ្នាប្រឹងប្រែងអនុវត្តផែនការកន្លងមក ហើយបានផ្តល់នូវអនុសាសន៍មូយចំនួន ៖
១-បន្តរក្សាសាមគ្គីភាពដ៏ល្អប្រពៃ ដើម្បីសម្រេចជោគជ័យគ្រប់ភារកិច្ច
២-ខិតខំផ្តល់សេវាជូនប្រជាពលរដ្ឋឱ្យបានកាន់តែប្រសើរ រក្សាសន្តិសុខសណ្ដាប់ធ្នាប់សង្គម និងបន្តរួមគ្នាដោះស្រាយបញ្ហាប្រឈមដែលនៅសេសសល់
៣-បន្តជម្រុញប្រជាពលរដ្ឋឱ្យទៅពិនិត្យ និងចុះឈ្មោះបោះឆ្នោតតាមការណែនាំរបស់ គ ជ ប
៤-បន្តផ្សព្វផ្សាយ និងអប់រំប្រជាពលរដ្ឋឱ្យរក្សាអនាម័យ បរិស្ថាន តាមផ្សារ និងភូមិ
៥-បន្តផ្សព្វផ្សាយជូនប្រជាពលរដ្ឋឱ្យរៀនរស់តាមគន្លងដ្មី ព្រោះថាជំងឺកូវីដ-១៩ ពុំដឹងថាចប់នៅពេលណាទេ ដោយអនុវត្ត ៣ការពារ និង៣កុំទាំងអស់គ្នា។ ចុងបញ្ចប់ ឯកឧត្តម បានឧបត្ថម្ភនូវសម្ភារសម្រាប់ការងាររដ្ឋបាល ទឹកថ្នាំសម្លាប់មេរោគ ដបអាកុល ម៉ាស និងថ្នាំគ្រាប់ចិនផងដែរ។
