ឯកឧត្តម ម៉ាន់ ឈឿន អញ្ជើញគោរពវិញ្ញាណក្ខន្ធសពឯកឧត្តម ហេ កាន់ ទីប្រឹក្សារាជរដ្ឋាភិបាល
នាព្រឹកថ្ងៃទី០៤ ខែវិច្ឆិកា ឆ្នាំ២០២១ ឯកឧត្តម ម៉ាន់ ឈឿន អនុប្រធានគណៈកម្មការទី៧ព្រឹទ្ធសភា និងឯកឧត្តម ឡោក ឆាយ អគ្គលេខាធិការរងព្រឹទ្ធសភា បានអញ្ជើញដាក់កម្រងផ្កា គោរពវិញ្ញាណក្ខន្ធសពឯកឧត្តម ហេ កាន់ ទីប្រឹក្សារាជរដ្ឋាភិបាល ដែលបានទទួលមរណភាពកាលពីថ្ងៃចន្ទ ទី០១ ខែវិច្ឆិកា ឆ្នាំ២០២១ វេលាម៉ោង១១:១១នាទីយប់ ក្នុងជន្មាយុ៧១ឆ្នាំ ដោយរោគាពាធ។
សពរបស់ឯកឧត្តមហេ កាន់ បានតម្កល់ធ្វើបុណ្យតាមប្រពៃណី ព្រះពុទ្ធសាសនា នៅគេហដ្ឋាន ផ្ទះលេខ២៩ ផ្លូវលេខ១០ បុរីអង្គរភ្នំពេញ ស្ថិតក្នុងសង្កាត់ឃ្មួញ ខណ្ឌសែនសុខ រាជធានីភ្នំពេញ៕
