khmer eng
  • ឯកឧត្តម ឆាយ វណ្ណា អញ្ជើញជួបពិភាក្សាការងារជាមួយ ឯកអគ្គរាជទូតព្រុយណេប្រចាំកម្ពុជា
     
    ចែករំលែក ៖

    នារសៀលថ្ងៃទី១៥ ខែធ្នូ ឆ្នាំ២០២១ វេលាម៉ោង២:៣០នាទី ឯកឧត្តម ឆាយ វណ្ណា លេខាធិការគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃព្រឹទ្ធសភា (គណៈកម្មការទី៥) បានអញ្ជើញជួបពិភាក្សាការងារជាមួយនឹងឯកឧត្តម Pengiran Kasmihan Bin Pengiran Haji Tahir ឯកអគ្គរាជទូតព្រុយណេប្រចាំព្រះរាជាណាចក្រកម្ពុជា។
    នៅក្នុងឱកាសនោះឯកឧត្តម ឆាយ វណ្ណា បានលើកឡើងអំពីទំនាក់ទំនងមិត្តភាព កិច្ចសហប្រតបត្តិការ និងចំណងការទូតរវាងព្រះរាជាណាចក្រកម្ពុជា ជាមួយប្រទេសព្រុយណេ ដែលមានតាំងពីឆ្នាំ១៩៩២មក ក្នុងនាមប្រទេសនៃសមាជិកអាស៊ាន ប្រទេសទាំងពីរមានសាមគ្គីភាព និងកិច្ចសហប្រតិបត្តិការលើវិស័យវប្បធម៌ អប់រំ កសិកម្ម ពាណិជ្ជកម្ម និងវិស័យផ្សេងៗទៀត។
    ឯកឧត្តម ឆាយ វណ្ណា បានលើកឡើងថា ក្នុងនាមជាប្រទេសនៃសមាជិកសហភាពអន្តរសភា IPU ព្រឹទ្ធសភាកម្ពុជាតែងតែផ្តល់កិច្ចសហប្រតិបត្តិការ និងជួយគ្នាទៅវិញទៅមកជាមួយបណ្តាប្រទេសនានា។ តាមរយៈឯកឧត្តម ឯកអគ្គរាជទូតព្រុយណេប្រចាំកម្ពុជា សង្ឃឹមថាសភានៃប្រទេសពីរនឹងកាន់តែមានទំនាក់ទំនង និងកិច្ចសហប្រតិបត្តិការល្អរឹងមាំថែមទៀត។
    ជាការឆ្លើយតបឯកឧត្តមឯកអគ្គរាជទូតព្រុយណេប្រចាំកម្ពុជា បានស្វាគមន៍ និងថ្លែង អំណរគុណចំពោះឯកឧត្តមលេខាធិការគណៈកម្មការទី៥ព្រឹទ្ធសភា ដែលបានជួបពិភាក្សាការងារក្នុងឱកាសនេះ។ ឯកឧត្តមឯកអគ្គរាជទូតនឹងខិតខំជំរុញលើកកម្ពស់ទំនាក់ទំនង និងកិច្ចសហប្រតិបត្តិការរវាងរាជរដ្ឋាភិបាល និងសភានៃប្រទេសឱ្យកាន់តែរឹងមាំល្អប្រសើរថែមទៀត។
    ឯកឧត្តមឯកអគ្គរាជទូតបានកត់សំគាល់ថាក្នុងរយៈពេលប៉ុន្មានឆ្នាំចុងក្រោយនេះប្រទេសកម្ពុជាមានការអភិវឌ្ឍរីកចម្រើនជាបន្តបន្ទាប់។ ឯកឧត្តមឯកអគ្គរាជទូតបានសម្តែងនូវការអបអរសាទរ និងកោតសរសើរចំពោះរាជរដ្ឋាភិបាលកម្ពុជាក្រោមការដឹកនាំដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានគ្រប់គ្រងការរាតត្បាតជំងឺកូវីដ-១៩យ៉ាងល្អ និងមានវិធានការយុទ្ធនាការចាក់វ៉ាក់សាំងជូនប្រជាពលរដ្ឋកម្ពុជាបានយ៉ាងច្រើនគួរជាទីមោទនៈ៕


    អត្ថបទពាក់ព័ន្ធ
       អត្ថបទថ្មី
    thumbnail
     
    ក្រុមសមាជិកព្រឹទ្ធសភាប្រចាំភូមិភាគទី៤ បានអញ្ជើញជួបសំណេះសំណាលជាមួយលោកប្រធានមន្ទីរពេទ្យបង្អែកស្រុក និងបានចុះសួរសុខទុក្ខអ្នកជំងឺដែលកំពុងសម្រាកព្យាបាលជំងឺ
    thumbnail
     
    លោកជំទាវ ចឹក ហេង បានចុះសួរសុខទុក្ខ លោក វ៉ា សាវ៉ាត ប្រធានក្រុមប្រឹក្សាស្រុកត្បែងមានជ័យ ដែលកំពុងសំរាកព្យាបាលជម្ងឺ នៅមន្ទីរពេទ្យ
    thumbnail
     
    ឯកឧត្តម ទេព យុទ្ធី បានអញ្ជើញចុះពិនិត្យទីតាំងសម្រាប់រៀបចំកម្មវិធីពិនិត្យ និង ព្យាបាលជូនប្រជាជនដោយមិនយកកម្រៃដោយក្រុមគ្រូពេទ្យស្ម័គ្រចិត្តបារាំង
    thumbnail
     
    ឯកឧត្តម ឡៅ ឆន បានអញ្ជើញចូលរួមកិច្ចប្រជុំ ដើម្បីជម្រុញការដោះស្រាយទំនាស់ដីធ្លីដែលនៅសល់ ចំនួន០៤ករណី ក្នុងស្រុកចុងកាល់ ខេត្តឧត្តរមានជ័យ 
    thumbnail
     
    ឯកឧត្តម ឈើយ ចាន់ណា បានអញ្ជើញចូលរួមពិធីបុណ្យបញ្ចុះខណ្ឌសីមាព្រះវិហារ និងឆ្លងសមិទ្ធផលនានា នៅវត្តគីរីរុក្ខារាមថ្មរមៀល