khmer eng
  • ឯកឧត្តម ឆាយ វណ្ណា អញ្ជើញជួបពិភាក្សាការងារជាមួយឯកអគ្គរាជទូតម៉ាឡេស៊ីប្រចាំកម្ពុជា
     
    ចែករំលែក ៖

    នារព្រឹកថ្ងៃទី១៦ ខែធ្នូ ឆ្នាំ២០២១ វេលាម៉ោង៩:០០នាទី ឯកឧត្តម ឆាយ វណ្ណា លេខាធិការគណៈ កម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃព្រឹទ្ធសភា (គណៈកម្មការទី៥) បានអញ្ជើញជួបពិភាក្សាការងារជាមួយនឹងឯកឧត្តម Eldin Hunaini Mohd Hashim ឯកអគ្គរាជទូតម៉ាឡេស៊ីប្រចាំព្រះរាជាណាចក្រកម្ពុជ។ នៅក្នុងឱកាសនោះឯកឧត្តម ឆាយ វណ្ណា បានលើកឡើងអំពីទំនាក់ទំនងមិត្តភាព កិច្ចសហប្រតបត្តិការ និងចំណងការទូត រវាងព្រះរាជាណាចក្រកម្ពុជា ជាមួយប្រទេសម៉ាឡេស៊ី ដែលត្រូវបានបង្កើតឡើងតាំងពីថ្ងៃទី៣១ ខែសីហា ឆ្នាំ១៩៥៧។ ក្នុងនោះប្រទេសទាំងពីរមានសាមគ្គីភាព និងកិច្ចសហប្រតិបត្តិការលើវិស័យវប្បធម៌ អប់រំ កសិកម្ម ពាណិជ្ជកម្ម ទេសចរណ៍ និងវិស័យផ្សេងៗទៀត។
    ឯកឧត្តម ឆាយ វណ្ណា បានលើកឡើងថាព្រឹទ្ធសភានៃព្រះរាជាណាចក្រកម្ពុជា ក្នុងនាមជាប្រទេសនៃសមាជិកសហភាពអន្តរសភា IPU តែងតែផ្តល់កិច្ចសហប្រតិបត្តិការជាមួយបណ្តាប្រទេសនៅលើពិភពលោក។ តាមរយៈឯកឧត្តម ឯកអគ្គរាជទូត ព្រឹទ្ធសភាកម្ពុជាសង្ឃឹមថាចំណងមិត្តភាព សហប្រតិបត្តិការរវាងសភានៃប្រទេសទាំងពីរកាន់តែរឹងមាំថែមទៀត។
    ជាការឆ្លើយតប ឯកឧត្តមឯកអគ្គរាជទូតបានស្វាគមន៍ និងថ្លែងអំណរគុណចំពោះឯកឧត្តម ឆាយ វណ្ណា ដែលបានអញ្ជើញជួបពិភាក្សាការងារនាឱកាសនេះ។ ឯកឧត្តមឯកអគ្គរាជទូតបានបញ្ជាក់ថា ឯកឧត្តមនឹងខិតខំជំរុញលើកកម្ពស់ទំនាក់ទំនង និងកិច្ចសហប្រតិបត្តិការរវាងរដ្ឋាភិបាល និងសភានៃប្រទេសទាំងពីរ ឱ្យកាន់តែរឹងមាំល្អប្រសើរថែមទៀត។
    ឯកឧត្តមឯកអគ្គរាជទូតបានកត់សំគាល់ថា ក្នុងរយៈពេលប៉ុន្មានឆ្នាំចុងក្រោយនេះ ប្រទេសកម្ពុជាមានការអភិវឌ្ឍរីកចម្រើនយ៉ាងឆាប់រហ័ស។ ជាមួយគ្នានេះ ឯកឧត្តមបានអបអរសាទរ និងកោតសរសើររាជរដ្ឋាភិបាល កម្ពុជាក្រោមការដឹកនាំដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានគ្រប់គ្រងការរាតត្បាតជំងឺកូវីដ-១៩យ៉ាងល្អ និងបានចាក់វ៉ាក់សាំងជូនប្រជាពលរដ្ឋកម្ពុជាបានយ៉ាងច្រើនគួរជាទីមោទនៈ។
    ឯកឧត្តម ឆាយ វណ្ណា បានលើកឡើងថា កិច្ចទំនាក់ទំនងសេដ្ឋកិច្ច និងបញ្ហាប្រទេសសមាជិកអាស៊ាន ជាពិសេសទំនាក់ទំនងសេដ្ឋកិច្ច ពាណិជ្ជកម្មរវាងប្រទេសកម្ពុជា និងប្រទេសម៉ាឡេស៊ី មានការកើនឡើងជាលំដាប់ ហើយរំពឹងថានឹងរឹតបណ្តឹងចំណងសេដ្ឋកិច្ចទ្វេភាគីបន្លែមទៀតលើវិស័យដទៃទៀត ស្របតាមផែនការសហមារណកម្ម សេដ្ឋ កិច្ចអាស៊ាន។ កំណើននេះធ្វើឱ្យម៉ាឡេស៊ីក្លាយជាដៃគូពាណិជ្ជកម្ម និងវិនិយោគសំខាន់ ក្នុងចំណោមប្រទេសជាដៃគូដទៃទៀតរបស់កម្ពុជា។ កាលពីចុងឆ្នាំ២០០០ ប្រទេសទាំងពីរបានព្រមព្រៀងគ្នា បង្កើតគណៈកម្មការរួមមួយ ដើម្បីធ្វើកិច្ចសហប្រតិបត្តិការទ្វេភាគី ហើយនៅខែកញ្ញា ឆ្នាំ២០១៥ ប្រទេសកម្ពុជា និងប្រទេសម៉ាឡេស៊ី បានចុះអនុស្សារណៈយោគយល់គ្នា ដើម្បីជំរុញអភិវឌ្ឍន៍បច្ចេកវិទ្យា ផលិតផល សេវាកម្ម ពាណិជ្ជកម្ម និងទីផ្សា។


    អត្ថបទពាក់ព័ន្ធ
       អត្ថបទថ្មី
    thumbnail
     
    សម្តេចតេជោ ហ៊ុន សែន អនុញ្ញាតឱ្យប្រតិភូប្រឹក្សាមូលនិធិសម្តេចតេជោ ដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជា ចូលជួបសម្តែងការគួរសម
    thumbnail
     
    ឯកឧត្តបណ្ឌិត ធន់ វឌ្ឍនា ដឹកនាំកិច្ចប្រជុំគណៈកម្មការពិសេស ដើម្បីពិនិត្យលទ្ធផលស្រាវជ្រាវអំពី គណនេយ្យភាព និងប្រព័ន្ធព្រឹទ្ធសភាបច្ចុប្បន្ន នៅបណ្ដាប្រទេសមួយចំនួន
    thumbnail
     
    ឯកឧត្តមបណ្ឌិត ធន់ វឌ្ឍនា ការពង្រឹងសុខភាព និងសមត្ថភាពប្រជាជន គឺដោះស្រាយបញ្ហាសង្គមបានច្រើន
    thumbnail
     
    ឯកឧត្តម សាន់ ឡាទីន បានអញ្ជើញសំណេះសំណាល សួរសុខទុក្ខ និងប្រគល់ថវិកាជូនដល់គ្រួសារសព លោកគ្រូ មូសា អាលី គ្រូបង្រៀនក្របខណ្ឌ និងជាសមាជិកសមាគមគ្រូបង្រៀនខ្មែរឥស្លាម ដែលបានទទួលមរណៈភាព
    thumbnail
     
    ក្រុមសមាជិកព្រឹទ្ធសភាប្រចាំភូមិភាគទី២ បានអញ្ជើញចូលរួមជាកិត្តិយសក្នុងពិធីអបអរខួបទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៥ និងខួបលើកទី៧០ឆ្នាំ នៃកាកបាទក្រហមកម្ពុជា