khmer eng
  • ឯកឧត្តម ម៉ម ប៊ុននាង អញ្ជើញចុះជួបសំណេះសំណាលជាមួយអាជ្ញាធរ និងប្រជាពលរដ្ឋឃុំត្រពាំងវែង
     
    ចែករំលែក ៖

    ឯកឧត្តម ម៉ម ប៊ុននាង អញ្ជើញចុះជួបសំណេះសំណាលជាមួយអាជ្ញាធរ និងប្រជាពលរដ្ឋឃុំត្រពាំងវែង
    ================
    នាព្រឹកថ្ងៃទី២៦ ខែធ្នូ ឆ្នាំ២០២១ ឯកឧត្តម ម៉ម ប៊ុននាង ប្រធានគណៈកម្មការទី១០ និងជាអ្នកនាំពាក្យព្រឹទ្ធសភា បានអញ្ជើញចុះជួបសំណេះសំណាលសួរសុខទុក្ខជាមួយអាជ្ញាធរ និងប្រជាពលរដ្ឋឃុំត្រពាំងវែងចំនួន១៧០នាក់ ស្ថិតនៅសាលាឃុំត្រពាំងវែង ស្រុកកណ្តាលស្ទឹង ខេត្តកណ្តាល។
    មានប្រសាសន៍សំណេះសំណាលទៅកាន់អង្គពិធី ឯកឧត្តម ម៉ម ប៊ុននាង បានពាំនាំនូវការផ្តាំផ្ញើសួរសុខទុក្ខពីសំណាក់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា ថ្នាក់ដឹកនាំនិងសមាជិក សមាជិកាព្រឹទ្ធសភា ជូនដល់អាជ្ញាធរ និងបងប្អូនប្រជាពលរដ្ឋទាំងអស់។ ឯកឧត្តមប្រធានបានអំពាវនាវដល់អាជ្ញាធរឃុំត្រពាំងវែង ឱ្យបន្តអប់រំបង្ការទប់ស្កាត់ជំងឺកូវីដ-១៩ ពង្រឹងការអនុវត្តគោលនយោបាយភូមិ ឃុំមានសុវត្ថិភាព រីឯបងប្អូនប្រជាពលរដ្ឋត្រូវបន្តអនុវត្តវិធានការសុខាភិបាល គឺ៣កុំ ៣ការពារ និង២ចូលរួម ដើម្បីខ្លួនយើង ក្រុមគ្រួសារយើង និងប្រទេសជាតិចាកឆ្ងាយពីជំងឺកូវីដ-១៩ ហើយជួបតែសេចក្តីសុខ សន្តិភាព និងការអភិវឌ្ឍ។
    ក្នុងឱកាសនោះដែរ ឯកឧត្តមប្រធាន បានឧបត្ថម្ភដល់អាជ្ញាធរឃុំ និងប្រជាពលរដ្ឋចំនួន១៧០នាក់ ដោយក្នុងម្នាក់ៗទទួលបានថវិកាចំនួន៣០,០០០រៀល ព្រមទាំងឧបត្ថមថវិកាចាក់គ្រួសនៅមណ្ឌលសុខភាពត្រពាំងវែងចំនួន២,០០០,០០០រៀល(ពីរលានរៀល) ឧបត្ថម្ភសំលៀកបំពាក់ដល់ប្រជាការពារ៣០កំប្លេ ចូលរួមរំលែកទុក្ខនិងចូលបច្ច័យបុណ្យសពប្រជាពលរដ្ឋចំនួន៤គ្រួសារ ដោយក្នុងមួយគ្រួសារៗ ២០០,០០០រៀល (ម្ភៃម៉ឺនរៀល) ដោយចំណាយអស់ថវិកាសរុបចំនួន៩,៨៤៤,០០០រៀល (ប្រាំបួនលានប្រាំបីសែនបួនម៉ឺនបួនពាន់រៀល)។


    អត្ថបទពាក់ព័ន្ធ
       អត្ថបទថ្មី
    thumbnail
     
    លោកជំទាវ មាន សំអាន ប្រធានគណៈកម្មការទី៨ ព្រឹទ្ធសភា និងជាអនុប្រធានសមាគម ដោយមានការទទួលបដិសណ្ឋារកិច្ចស្វាគមន៍ពីលោក Tran Dang Vuong នាយកសាលា បានអញ្ជើញធ្វើទស្សនកិច្ចសិក្សាឈ្វេងយល់ និងចុះពិនិត្យមើលប្រព័ន្ធចំរោះទឹកស្អាត
    thumbnail
     
    លោកជំទាវ មាន សំអាន ប្រធានគណៈកម្មការទី៨ ព្រឹទ្ធសភា និងជាអនុប្រធានសមាគម បានអញ្ជើញចូលរួមទទួលទានអាហារសាមគ្គី ដែលរៀបចំបដិសណ្ឋារកិច្ច និងស្វាគមន៍ដោយលោកស្រី DO THI THU THUY
    thumbnail
     
    លោកជំទាវ មាន សំអាន ប្រធានគណៈកម្មការទី៨ ព្រឹទ្ធសភា និងជាអនុប្រធានសមាគមនារីកម្ពុជា ដើម្បីសន្តិភាពនិងអភិវឌ្ឍន៍ បានអញ្ជើញដឹកនាំគណប្រតិភូសមាគមនារីកម្ពុជា ដើម្បីសន្តិភាពនិងអភិវឌ្ឍន៍ ធ្វើទស្សនកិច្ចសិក្សាឈ្វេងយល់នៅសារមន្ទីរជ័យជំនះប្រវត្តិសាស្ត្រ
    thumbnail
     
    ឯកឧត្តម អ៊ឹង លាងហ៊ួសមាជិកគណ:កម្មការទី៧ ព្រឹទ្ធសភា បានអញ្ជើញជាអធិបតីពិធីបើក “សង្ក្រាន្ត” ឆ្នាំថ្មី២០២៤ របស់រដ្ឋបាល ស្រុកជលគិរី ខេត្តកំពង់ឆ្នាំង
    thumbnail
     
    លោកជំទាវ មាន សំអាន ប្រធានគណៈកម្មការទី៨ ព្រឹទ្ធសភា និងជាអនុប្រធានសមាគមនារីកម្ពុជា ដើម្បីសន្តិភាពនិងអភិវឌ្ឍន៍ អមដំណើរដោយលោកស្រី HA THI KHANH NGUYET ប្រធានសមាគមនារីខេត្តឡាវកៃ (Lao Cai) បានអញ្ជើញដឹកនាំគណប្រតិភូសមាគមនារីកម្ពុជា ដើម្បីសន្តិភាពនិងអភិវឌ្ឍន៍ ទស្សនកិច្ចសិក្សាឈ្វេងយល់នៅសហគមន៍មឿងហ័រ