ថ្ងៃទី២៦ ខែធ្នូ ឆ្នាំ២០២១ ឯកឧត្តម ម៉ែន ស៊ីផាន់ អនុប្រធានគណៈកម្មការទី៩ ព្រឹទ្ធសភា បានអញ្ជើញជួបពិភាក្សាការងារដែលបម្រើឱ្យការងារ បោះឆ្នោតជ្រើសរើសក្រុមប្រឹក្សាឃុំ សង្កាត់អាណត្តិទី៥ ឆ្នាំ២០២២ នៅឃុំព្រះពន្លា ស្រុកកំពង់រោទិ៍ ខេត្តស្វាយរៀង។ ក្នុងឱកាសនោះដែរឯកឧត្តមបានឧបត្ថម្ភថវិកាជូនរដ្ឋបាលឃុំចំនួន ២០០ ០០០រៀល ឧបត្ថម្ភក្រុមប្រឹក្សាឃុំចំនួន ៤០០ ០០០រៀល ឧបត្ថម្ភគម្រោងចំណាយសម្រាប់ការបោះឆ្នោតជ្រើសរើសក្រុមប្រឹក្សាឃុំនាពេលខាងមុខថវិកាចំនួន ២ ០០០ ០០០រៀល និងឧបត្ថម្ភជូនគ្រួសារសព ៤គ្រួសារ ៤០០ ០០០រៀល។ សរុបថវិការួមមានចំនួន ៣ ០០០ ០០០រៀល (បីលានរៀល)។
