ដើម្បីចូលរួមអបអរសាទរខួបអនុស្សាវរីយ៍លើកទី៤៣ ទិវាជ័យជម្នះ៧មករា ឆ្នាំ១៩៧៩ នៅថ្ងៃច័ន្ទ ទី១០ ខែមករា ឆ្នាំ២០២២ វេលាម៉ោង៨:១០នាទី ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី១ បានអញ្ចើញចូលរួមប្រជុំជាមួយក្រុមប្រឹក្សាសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ ដើម្បីស្តាប់របាយការណ៍ ស្តីពីការអនុវត្តគោលនយោបាយភូមិ សង្កាត់ មានសុវត្ថិភាព។ ក្រោមពីបានស្តាប់សេចក្តីរាយការណ៍រួចមក ឯកឧត្តម បានថ្លែងកោតសរសើរដល់អាជ្ញាធរមូលដ្ឋានដែលបានខិតខំបំពេញការងារបានយ៉ាងល្អក្នុងការផ្តល់សេវាសាធារណជូនប្រជាពលរដ្ឋ ក៏ដូចជាការអនុវត្តនូវគោលនយោបាយភូមិ សង្កាត់ មានសុវត្ថិភាព និងបានឧបត្ថម្ភលើកទឹកចិត្តសកម្មភាពការងារថែទាំមនុស្សចាស់ ព្រមទាំងណែនាំឱ្យធ្វើការផ្សព្វផ្សាយជាប្រចំានូវការអនុវត្តវិធានការ៣ការពារ និង៣កុំ ដោយធ្វើការរស់នៅតាមគន្លងប្រក្រតីភាពថ្មី។
