នាព្រឹកថ្ងៃសុក្រ ទី២១ ខែមករា ឆ្នាំ២០២២ ឯកឧត្តម ឈិត គឹមយាត អនុប្រធានក្រុមសមាជិកព្រឹទ្ធសភាប្រចាំភូមិភាគទី២ និងឯកឧត្តម ឆាយ វណ្ណា លេខាធិការក្រុមសមាជិកព្រឹទ្ធសភាប្រចាំភូមិភាគទី២ តំណាងដ៏ខ្ពង់ខ្ពស់របស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា បានអញ្ជើញចុះជួបសំណេះសំណាល និងសួរសុខទុក្ខអាជ្ញាធរ និងប្រជាពលរដ្ឋ ព្រមទាំងចែកអង្ករជូនប្រជាពលរដ្ឋចំនួន ២៥០គ្រួសារ ក្នុងមួយគ្រួសារៗទទួលបានអង្ករចំនួន ២៥គីឡូក្រាម ដែលជាអំណោយរបស់សម្តេចវិបុលសេនាភក្តី សាយ ឈុំ និងលោកជំទាវ នៅឃុំកោះសូទិន ស្រុកកោះសូទិន ខេត្តកំពង់ចាម។ អង្គពិធីនេះប្រារព្ធទៅ ដោយមានការអញ្ជើញចូលរួមពីលោកអភិបាលស្រុកកោះសូទិន និងលោក លោកស្រី ជាក្រុមប្រឹក្សាឃុំកោះសូទិន។
ក្នុងឱកាសនោះ ឯកឧត្តមបានពាំនាំប្រសាស៍របស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា សូមប្រពលរដ្ឋទាំងអស់ថែរក្សាសុខភាពឱ្យបានល្អ និងបន្តអនុវត្តវិធានការរបស់រាជរដ្ឋាភិបាល បីកុំ បីការពារ ៕
