ឯកឧត្តម ទេព យុទ្ធី បានអញ្ជើញចូលរួមរំលែកមរណទុក្ខសពឪពុកលោកស្រីប្រធានការិយាល័យសុខុមាលភាពសង្គម នៃរដ្ឋបាលស្រុកដំណាក់ចង្អើរ
នាព្រឹកថ្ងៃទី២៤ ខែមករា ឆ្នាំ២០២២ ឯកឧត្តម ទេព យុទ្ធី សមាជិកគណៈកម្មការទី៨ ព្រឹទ្ធសភា និងជាលេខាធិការក្រុមសមាជិកព្រឹទ្ធសភាប្រចាំភូមិភាគទី៥ អមដំណើរដោយថ្នាក់ដឹកនាំ និងមន្ត្រីរាជការសាលាស្រុកដំណាក់ចង្អើរ ខេត្តកែប បានអញ្ជើញចូលរួមរំលែកមរណទុក្ខ និងនាំយកនូវអង្ករ ទឹកត្រី ទឹកបរិសុទ្ធ រួមទាំងថវិកា ជូនដល់ក្រុមគ្រួសារនៃសពឪពុកលោកស្រីប្រធានការិយាល័យសុខុមាលភាពសង្គម នៃរដ្ឋបាលស្រុកដំណាក់ចង្អើរ ដែលបានទទួលមរណភាពដោយរោគាពាធ នៅគេហដ្ឋាន ស្ថិតនៅភូមិអំពេង ឃុំអង្កោល ស្រុកដំណាក់ចង្អើរ ខេត្តកែប។
