នៅថ្ងៃអង្គារ ទី២៥ ខែមករា ឆ្នាំ២០២២ វេលាម៉ោង៨:៣០នាទី ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី១ បានអញ្ជើញចុះជួបសំណេះសំណាល សួសុខទុក្ខ និងឧបត្ថម្ភលើកទឹកចិត្តដល់កងកម្លាំងប៉ុស្តិ៍នគរបាលរដ្ឋបាលអូបែកក្អម ខណ្ឌសែនសុខ រាជធានីភ្នំពេញ ដែលបានខិតខំការពារទីតាំងអនុវត្តគោលនយោបាយភូមិ សង្កាត់ មានសុវត្ថិភាពបានយ៉ាងល្អប្រសើរ។ដោយបានឧបត្ថម្ភជូន អង្ករ ចំនួន៩០គីឡូ កន្សែងពោះគោ ចំនួន៦កន្សែង សាប៊ូ ចំនួន២០ប្រអប់ និងថវិកាមួយចំនួន ហើយក៏បានផ្តាំផ្ញើសូមឱ្យបន្តរួមគ្នាអនុវត្តវិធានការ៣កុំ ៣ការពារ និងការចាក់វ៉ាក់សាំងដូសជម្រុញលើកទី៣ និងទី៤ ឱ្យបានគ្រប់គ្នា។
