ថ្ងៃព្រហស្បត៍ ទី៣ ខែកុម្ភៈ ឆ្នាំ២០២២ វេលាម៉ោង៨:០០នាទី ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី១ បានចូលរួមសហការជាមួយលោកជំទាវ ម៉ុ សណ្តាប់ លេខាធិការគណៈកម្មការទី៨ ព្រឹទ្ធសភា បានអញ្ជើញចុះជួបសំណេះសំណាលជាមួយយុវជនភូមិទាំង៥ នៃសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ដើម្បីសំដែងនូវការកោតសរសើរលើកទឹកចិត្តក្មួយៗ ទាំងអស់ដែលបានខិតខំសហការជួយអាជ្ញាធរសង្កាត់ និងភូមិ ក្នុងការគោរព និងអនុវត្តវិធានសុខាភិបាល ៣កុំ ៣ការពារ និងការបន្តចាក់វ៉ាក់សាំងដូសជំរុញលើកទី៣ លើកទី៤ បានយ៉ាងទាន់ពេល មានប្រសិទ្ធភាព និងបានផ្តាំផ្ញើឱ្យក្មួយៗ ចូលរួមជួយបន្តសកម្មភាពការងារបោះឆ្នោតក្រុមប្រឹក្សាសង្កាត់ ដែលនឹងត្រូវប្រព្រឹត្តទៅនៅថ្ងៃអាទិត្យ ទី៥ ខែមិថុនា ឆ្នំា២០២២ ខាងមុខនេះ។ ការជួយឧបត្ថម្ភលើកទឹកចិត្តនាពេលនេះរួមមាន ៖
-ម៉ាស់ការពារផ្លូវដង្ហើម ១.០៥០ម៉ាស់, ថ្នាំម្សៅសុខភាព (ខ្ញីទឹកឃ្មុំ) ២១ប្រអប់, កន្សែងពោះគោ ២១កន្សែង, សាប៊ូដុំ Protex ៨៤ដុំ និងថវិកាចំនួន៨៤០.០០០រៀល។
