khmer eng
  • ឯកឧត្ដម អន ស៊ុំ និង ឯកឧត្ដម ឈើយ ចាន់ណា បានអញ្ជើញចូលរួមក្នុង ពិធីសំណេះសំណាលជាមួយក្រុមប្រឹក្សាឃុំ សង្កាត់ ខេត្តបន្ទាយមានជ័យ
     
    ចែករំលែក ៖

    នាព្រឹកថ្ងៃ ទី០៣ ខែកុម្ភៈ ឆ្នាំ២០២២ វេលាម៉ោង០៨:០០នាទី នៅសាលប្រជុំសាលាខេត្តបន្ទាយមានជ័យ ឯកឧត្ដម អន ស៊ុ លេខាធិការគណៈកម្មការទី៤ ឯកឧត្ដម ឈើយ ចាន់ណា លេខាធិការគណៈកម្មការទី៧ និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញចូលរួមក្នុង ពិធីសំណេះសំណាលជាមួយក្រុមប្រឹក្សាឃុំ សង្កាត់ ក្រោមអធិបតីភាព ឯកឧត្តមនាយឧត្តមសេនីយ៍ កែ គឹមយ៉ាន ឧបនាយករដ្ឋមន្រ្តី ដោយមានការអញ្ជើញចូលរួមពីតំណាងរាស្រ្តមណ្ឌលខេត្តបន្ទាយមានជ័យ ឯកឧត្ដម លោកជំទាវ លោក លោកស្រី ថ្នាក់ដឹកនាំខេត្ត ស្រុក ក្រុង ឃុំ សង្កាត់ សរុប ចំនួន៦៥១នាក់។ ឯកឧត្ដមនាយឧត្ដមសេនីយ៍ បានវាយតម្លៃខ្ពស់ ចំពោះកិច្ចខិតខំរបស់មន្ត្រីថ្នាក់មូលដ្ឋាន ក្នុងការបំពេញតួនាទី ភារកិច្ចស្នូល ការជួយដោះស្រាយការលំបាកជូនប្រជាពលរដ្ឋ ពិសេសការចូលរួមប្រយុទ្ធប្រឆាំងជំងឺកូវី-ដ១៩ និងការជំរុញប្រជាពលរដ្ឋទៅចាក់វ៉ាក់សាំង ព្រមទាំងបានផ្តល់នូវអនុសាសន៍ណែនាំ ៖
    ១-ការពារសន្តិភាព ស្ថិរភាពនយោបាយ សន្តិសុខ សណ្តាប់ធ្នាប់សង្គមឱ្យបានកាន់តែរឹងមាំ ក្នុងនោះត្រូវតាមដានគ្រប់សកម្មភាពរបស់ក្រុមអមិត្ព និងពង្រឹងការអនុវត្តគោលនយោបាយភូមិ ឃុំមានសុវត្ថិភាព។
    ២-ធ្វើឱ្យមានស្ថេរភាពសេដ្ឋកិច្ច និងរក្សាលំនឹងជីវភាពរស់នៅរបស់ប្រជាជន។ ត្រូវផ្សព្វផ្សាយឱ្យបានជ្រួតជ្រាបជូនដល់ប្រជាពលរដ្ឋ យល់ដឹងក្នុងការរៀនរស់នៅតាមគន្លងថ្មីនៃបរិបទកូវីដ-១៩ និងក្តាប់ជាប់គោលនយបាយរបស់រាជរដ្ឋាភិបាល ហើយប្រមូលផ្តុំរួមកម្លាំគ្នាម្ចាស់ការអនុវត្ត ឱ្យបានម៉ឹងម៉ាត់។
    ៣-ធ្វើជាមន្ត្រីល្អ គុណភាព ប្រសិទ្ធភាព តម្លាភាព និងភាពស្អាតស្អំក្នុងការផ្តល់សេវាសាធារណៈ ចាប់ពីមន្ត្រីថ្នាក់មូលដ្ឋាន រហូតដល់មន្ទីរជំនាញនៅថ្នាក់ខេត្ត បំពេញសេចក្តីត្រូវការរបស់ប្រជាពលរដ្ឋ។
    ៤-ពង្រឹងមូលនិធិមនុស្សចាស់ មូលនិធិជនក្រីក្រ និងមូលនិធិផ្សេងៗទៀត ដើម្បីបានជួយរួមចំណែកក្នុងការស្ដារជីវភាពខ្វះខាតរបស់ពួកគាត់។
    ៥-ពង្រឹងមីក្រូហិរញ្ញវត្ថុដែលកំពុងធ្វើសកម្មភាព និងទើបសម្ពោធដាក់ឱ្យដំណើរការ និងពង្រីកមុខរបរជូនប្រជាពលរដ្ឋ មន្ត្រីរាជការដែលខ្វះខាតទុនពិតប្រាកដ ដើម្បីលើកកម្ពស់ជីវភាពរស់នៅរបស់ពួកគាត់។ ក្នុងឱកាសនោះឯកឧត្តម បានឧបត្ថម្ភដល់អ្នកចូលរួមក្នុងម្នាក់ៗ ទទួលបានថវិកា៥០.០០០៛។


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានអញ្ជើញជាអធិបតីភាព ក្នុងកិច្ចប្រជុំបូកសរុបលទ្ធផលការងាររបស់ អគ្គលេខាធិការដ្ឋានព្រឹទ្ធសភាប្រចាំខែកុម្ភៈ និងកំណត់ទិសដៅការងារប្រចាំខែមីនា ឆ្នាំ២០២៤ 
    thumbnail
     
    ឯកឧត្តម ឡៅ ឆន បានរៀបចំចង្ហាន់ បង្អែម ភេសជ្ជៈ និងថវិកាមួយចំនួន ធ្វើសង្ឃទាន និងវេរប្រគេនព្រះសង្ឃចំនួន២វត្ត ស្ថិតនៅក្រុងសៀមរាប ខេត្តសៀមរាប
    thumbnail
     
    ឯកឧត្តមកិត្តិនីតិកោសលបណ្ឌិត ស៊ឹម កា ដឹកនាំគណៈប្រតិភូព្រឹទ្ធសភា អញ្ជើញគោរពវិញ្ញាណក្ខន្ធព្រះសពសម្ដេចព្រះអគ្គមហាសង្ឃរាជាធិបតីកិត្តិឧទ្ទេសបណ្ឌិត ទេព វង្ស
    thumbnail
     
    សម្តេចវិបុលសេនាភក្តី សាយ ឈុំ ប្រមុខរដ្ឋស្តីទី នៃព្រះរាជាណាចក្រកម្ពុជា បានអញ្ជើញដាក់កម្រងផ្កាគោរពវិញ្ញាណក្ខន្ធព្រះសពសម្តេចព្រះអគ្គមហាសង្ឃរាជាធិបតីកិត្តិឧទ្ទេសបណ្ឌិត ទេព វង្ស សម្ដេចព្រះមហាសង្ឃរាជនៃព្រះរាជាណាចក្រកម្ពុជា
    thumbnail
     
    ឯកឧត្តម យ៉ង់ សែម បានអញ្ជើញដឹកនាំកិច្ចប្រជុំត្រៀមលក្ខណៈសម្រាប់ការចូលរួមមហាសន្និបាតសហភាពអន្តរសភាលើក១៤៨ (IPU-148) នៅទីក្រុងហ្សឺណែល ប្រទេសស្វីស