នាព្រឹកទី០៨ ខែកុម្ភៈ ឆ្នាំ២០២២ វេលាម៉ោង ៨ៈ៣០ នាទីព្រឹក លោកជំទាវ ជា ច័ន្ទទេវី សមាជិកាគណៈកម្មការទី៥ ព្រឹទ្ធសភា បានអញ្ជើញចុះជួបសំណេះសំណាល និងសួរសុខទុក្ខបងប្អូនប្រជាពលរដ្ឋចំនួន៤៥ គ្រួសារ ស្ថិតនៅក្នុងឃុំស្តើងជ័យ ស្រុកជើងព្រៃ ខេត្ត កំពង់ចាម។ ក្នុងពិធីសំណេះសំណាលនោះលោកជំទាវក៏បានពាំនាំនូវសេចក្តីនឹករលឹកពីសំណាក់ សម្តេចវិបុលសេនាភក្តី ប្រធានព្រឹទ្ធសភា លោកជំទាវ ទី បូរ៉ាស៊ី ប្រធានគណៈកម្មការទី៥ព្រឹទ្ធសភា និងលោកជំទាវ មាន សំអាន ប្រធានគណៈកម្មការទី៨ ព្រឹទ្ធសភា និងជាប្រធានក្រុមសមាជិកាព្រឹទ្ធភា ដល់បងប្អូនប្រជាពលរដ្ឋ។ ឆ្លៀតក្នុងឱកាសនោះលោកជំទាវបាននាំយកនូវអំណោយមួយចំនួនរួមមាន ទឹកសុីវអុីវ មីជាតិ ម៉ាស់ ថ្នាំផ្តាសាយចិន ខ្ញីទឹកឃ្មុំ និងថិកាមួយចំនួន។
