នាព្រឹកថ្ងៃទី១៧ ខែកុម្ភៈ ឆ្នាំ២០២២ ព្រឹទ្ធសភានៃព្រះរាជាណាចក្រកម្ពុជា បានរៀបចំកិច្ចប្រជុំបូកសរុបលទ្ធផលនៃការអនុវត្តមុខងារតំណាងឆ្នាំ២០២១ និងលើកទិសដៅឆ្នាំ២០២២របស់ក្រុមសមាជិកព្រឹទ្ធសភាប្រចាំភូមិភាគទាំង៨និងក្រុមសមាជិកាព្រឹទ្ធសភា ក្រោមអធិបតីភាពឯកឧត្តមកិត្តិនីតិកោសលបណ្ឌិត ស៊ឹម កា អនុប្រធានទី១ព្រឹទ្ធសភា នៅសាលសិក្ខាសាលាបណ្ណាល័យព្រឹទ្ធសភា ដោយមានការអញ្ជើញចូលរួមពីសមាជិក សមាជិកាព្រឹទ្ធសភា។
អង្គប្រជុំប្រព្រឹត្តិទៅរយៈពេល១ព្រឹក ដោយមានការបញ្ចាំខ្សែវីដេអូស្តីពីលទ្ធផលការអនុវត្តមុខងារតំណាងឆ្នាំ២០២១ និងលើកទិសដៅឆ្នាំ២០២២របស់ក្រុមសមាជិកព្រឹទ្ធសភាប្រចាំភូមិភាគទាំង៨និងក្រុមសមាជិកាព្រឹទ្ធសភា ព្រមទាំងការឡើងមានមតិយោ ចែករំលែកបទពិសោធន៍នៃអនុវត្តការងាររបស់សមាជិកព្រឹទ្ធសភាប្រចាំភូមិភាគទាំង៨និងក្រុមសមាជិកាព្រឹទ្ធសភា នាឆ្នាំ២០២១កន្លងទៅ។
