ព្រឹកថ្ងៃអាទិត្យ ទី៣ ខែមេសា ឆ្នាំ២០២២ ឯកឧត្តម អ៊ឹង លាងហ៊ួ សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៧ បានអញ្ជើញជាគណៈអធិបតី ក្នុងពិធីចែកសញ្ញាប័ត្រដល់និស្សិត នៃវិទ្យាស្ថានប្រាយហូមដែលបានប្រឡងជាប់ បរិញ្ញាប័ត្ររង បរិញ្ញាប័ត្រ និងបរិញ្ញាប័ត្រជាន់ខ្ពស់ ចំនួន៤៣០នាក់។ ក្នុងឱកាសនោះឯកឧត្តម បានថ្លែងកោតសរសើរដល់គណៈគ្រប់គ្រងសាលា សាស្ត្រាចារ្យ លោកគ្រូ អ្នកអ្នក បានខិតខំធ្វើការកំណែទម្រង់គុណភាពអប់រំជាបន្តបន្ទាប់ពិសេសនិស្សិតដែលទទួលជ័យលាភីនាពេលនេះ និងបន្តរួមគ្នាអនុវត្តឱ្យបានខ្ជាប់ខ្ជូននូវវិធានការ៣ការពារ ៣កុំ និងនាំគ្នាទៅចាក់វ៉ាក់សាំងដុសមូលដ្ឋាន និងដុសជំរុញទាំងអស់គ្នា។ កម្មវិធីនេះប្រព្រឹត្តធ្វើឡើងនៅក្នុងបរិវេណ វិទ្យាស្ថានប្រាយហូប ស្ថិតនៅក្នុងភូមិធម្មយុត្តិ សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង ។
