khmer eng
  • គណៈប្រតិភូគណៈកម្មការទី១ ព្រឹទ្ធសភា អញ្ជើញជួបសំណេះសំណាលពិភាក្សាការងារជាមួយក្រុមប្រឹក្សាឃុំទាំង៥នៃស្រុករតនមណ្ឌល ខេត្តបាត់ដំបង
     
    ចែករំលែក ៖

    នៅព្រឹកថ្ងៃទី០៥ ខែមេសា ឆ្នាំ២០២២ គណៈប្រតិភូគណៈកម្មការ សិទ្ធិមនុស្ស ទទួលពាក្យបណ្តឹង និងអង្កេតនៃព្រឹទ្ធសភា (គណៈកម្មការទី១) ដឹកនាំដោយឯកឧត្តម យ៉ង់ សែម ប្រធានគណៈកម្មការ ដោយមានការចូលរួមពីអភិបាលរងនៃគណៈអភិបាលខេត្តបាត់ដំបង បានអញ្ជើញជួបសំណេះសំណាល និងពិភាក្សាការងារជាមួយសមាជិក សមាជិកាក្រុមប្រឹក្សាស្រុក ឃុំ នៃស្រុករតនមណ្ឌល ខេត្តបាត់ដំបង ក្នុងគោលបំណងដើម្បីឈ្វេងយល់ និងប្រមូលព័ត៌មាននានា ពាក់ព័ន្ធនឹងការអនុវត្តការងាររបស់ស្រុក ឃុំ ដែលរួមមាន៖ ទី១-រដ្ឋបាលឃុំមានផែនការសកម្មភាពអ្វីខ្លះដើម្បីបង្កើតជំនឿទុកចិត្តពីសំណាក់ប្រជាពលរដ្ឋ ទី២-ការអនុវត្តគោលនយោបាយភូមិឃុំសង្កាត់មានសុវត្ថិភាព តើមានបញ្ហាប្រឈមអ្វីខ្លះ ទី៣- មណ្ឌលបណ្តុះបណ្តាលកំរិតវប្បធម៌ក្នុងស្រុករតនៈមណ្ឌលមានប៉ុន្មានកន្លែង (សហគមន៍ បឋមសិក្សា អនុវិទ្យាល័យវិទ្យាល័យ) ទី៤-ជីវភាពរស់នៅរបស់ប្រជាពលរដ្ឋក្នុងឃុំ អាជីវកម្មចម្បងអ្វីខ្លះ មុខរបរអ្វីខ្លះប្រភេទចំណូលសំខាន់របស់ប្រជាពលរដ្ឋក្នុងឃុំ ស្រុក ទី៥-ផ្សព្វផ្សាយឱ្យប្រជាពលរដ្ឋក្នុងឃុំ ទៅបោះឆ្នោតឱ្យបានគ្រប់ៗគ្នា ទី៦-បន្តផ្សព្វផ្សាយជូនដល់ប្រជាពលរដ្ឋឱ្យចូលរួមទប់ស្កាត់ជំងឺកូវីដ១៩ និងទី៧-ស្ដាប់បញ្ហាប្រឈម នឹងសំណូមពរនានា ពាក់ព័ន្ធក្នុងការអនុវត្តការងារកន្លងមកដោយផ្ដោតសំខាន់លើការងារបោះឆ្នោត ជ្រើសរើសក្រុមប្រឹក្សាឃុំ សង្កាត់ នៅថ្ងៃទី៥ ខែមិថុនា ឆ្នាំ២០២២ ខាងមុខនេះ។

    ប្រភព៖ នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម អ៊ុក គង់ សមាជិកគណៈកម្មការទី៦ ព្រឹទ្ធសភា និងឯកឧត្តម ណាំ ទុំ ទីប្រឹក្សាសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានអញ្ជើញចូលរួមគោរពវិញ្ញាណក្ខន្ធសពឯកឧត្តម ឧត្តមសេនីយ៍ទោ ហួម ខ្វែក មេបញ្ជាការតំបន់ប្រតិបត្តិការសឹករងបាត់ដំបង
    thumbnail
     
    ឯកឧត្តម ធន់ វឌ្ឍនា អញ្ជើញទទួលបដិសណ្ឋារកិច្ចស្វាគមន៍គណៈប្រតិភូសភាក្រុមប្រឹក្សានយោបាយប្រជាជនចិនទី១៣
    thumbnail
     
    ឯកឧត្តម ប្រាក់ ចំរើន បានអញ្ជើញចូលរួមក្នុងពិធីបញ្ចុះបឋមសិលាកសាងព្រះវិហារថ្មី ក្នុងវត្តពោធិ៍ព្រឹក្សាខារាម (ហៅវត្តតូប)
    thumbnail
     
    ឯកឧត្តម ឈួន ឡេង អមដំណើរគណៈប្រតិភូសភាក្រុមប្រឹក្សានយោបាយប្រជាជនចិនទី១៣ ទស្សនាប្រាសាទបាយ័ន និងប្រាសាទតាព្រហ្ម ខេត្តសៀមរាប
    thumbnail
     
    លោក សោម សាវុធ អញ្ជើញនាំយកសាររំលែកទុក្ខ របស់ សម្តេចប្រធានព្រឹទ្ធសភា ជូន លោកជំទាវ អ៊ុ ផារ៉ាន់