នារសៀលថ្ងៃទី១៨ ខែឧសភា ឆ្នាំ២០២២ វេលាម៉ោង ១៥:០០នាទី ឯកឧត្តម ជា ជេដ្ឋ ប្រធានគណៈកម្មការទី២ព្រឹទ្ធសភា និងជាប្រធានក្រុមសមាជិកព្រឹទ្ធសភាភូមិភាគទី១ (រាជធានីភ្នំពេញ) បានអញ្ជើញជួបសំណេះសំណាលការងារជាមួយក្រុមប្រឹក្សាសង្កាត់ក្រាំងធ្នង់ និងស្មៀន ដឹកនាំដោយលោក សឿន សួរ ចៅសង្កាត់ ស្តីពីការងារត្រៀមលក្ខណៈសម្បត្តិក្នុងការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ក្នុងមូលដ្ឋានសង្កាត់ក្រាំងធ្នង់ (០៨ភូមិ និង០២សហគមន៍) ដែលមានរយៈពេល ១៤ថ្ងៃ ចាប់ផ្តើមពីថ្ងៃទី២១ ខែឧសភា ដល់ទី០៣ ខែមិថុនា ឆ្នាំ២០២២ ខាងមុខនេះ នៅសាលាសង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។ នាឱកាសនេះឯកឧត្តមប្រធានបានឧបត្ថម្ភថវិកាមួយចំនួនដល់ក្រុមប្រឹក្សាសង្កាត់ផងដែរ។
