នាល្ងាចថ្ងៃទី២០ ខែឧសភា ឆ្នាំ២០២២ ឯកឧត្តម គង់ សារាជ ប្រធានគណៈកម្មការទី៩ព្រឹទ្ធសភា តំណាងដ៍ខ្ពង់ខ្ពស់សម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា បាននាំយកសាររំលែកទុក្ខរបស់សម្ដេចប្រធាននឹងអញ្ជើញដាក់កម្រងផ្កាគោរពវិញ្ញាណក្ខន្ធសពឯកឧត្តម ស៊ិន សុខ ទីប្រឹក្សាសម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា ដែលបានទទួលមរណភាព កាលពីថ្ងៃទី១៩ ខែឧសភា ឆ្នាំ២០២២ ក្នុងជន្មាយុ៧៧ឆ្នាំ ដោយជរាពាធ។
សពឯកឧត្តម ស៊ិន សុខ បានតម្កល់ទុកធ្វើបុណ្យទក្ខិណានុប្បទានតាមប្រពៃណី ព្រះពុទ្ធសាសនា នៅវត្តឃ្មួញ ដែលស្ថិតក្នុងសង្កាត់ឃ្មួញ ខណ្ឌសែនសុខ រាជធានីភ្នំពេញ៕
បន្ទាប់មកក្រុមគ្រួសារសព បានសំដែងអំណរគុណ នឹងសូមប្រសិទ្ធពរជ័យ បវរមហាប្រសេីរជូនចំពោះសម្ដេចប្រធានព្រឹទ្ធសភា និងលោកជំទាវ ព្រមទាំងក្រុមគ្រួសារ ប្រកបដោយពុទ្ធពរ ទាំង៤ប្រការ កុំបីឃ្លៀងឃ្លាតឡេីយ។
ប្រភព៖ នាយកដ្ឋានព័ត៌មាន
