នាព្រឹកថ្ងៃព្រហស្បតិ៍ ទី២៦ ខែឧសភា ឆ្នាំ២០២២ សាស្រ្តាចារ្យ និស្សិតនៃវិទ្យាស្ថានវ៉ាន់ដាចំនួន៩០នាក់ បានអញ្ជើញមកទស្សនកិច្ចសិក្សាស្វែងយល់អំពី រចនាសម្ព័ន្ធ តួនាទី និងភារកិច្ចរបស់ព្រឹទ្ធសភា នៅវិមានព្រឹទ្ធសភា។
ក្នុងឱកាសនោះ សាស្រ្តាចារ្យ និងនិស្សិតក៏បានអញ្ជើញចូលស្តាប់ការធ្វើបទបង្ហាញស្តីពី រចនាសម្ព័ន្ធ តួនាទី ភារកិច្ចរបស់ព្រឹទ្ធសភា ពីឯកឧត្តម ម៉ែន ស៊ីផាន់ អនុប្រធានគណៈកម្មការទី៩ព្រឹទ្ធសភា និងបទបង្ហាញស្តីពី ដំណើរការនីតិកម្មរបស់ព្រឹទ្ធសភា របស់លោក សុខ សុជាតិ ជំនួយការអគ្គលេខាធិការព្រឹទ្ធសភា នៅសាលសិក្ខាសាលាខាងជើង វិមានព្រឹទ្ធសភា។
បន្ទាប់ពីការស្តាប់បទបង្ហាញរួចមក សាស្ត្រាចារ្យ និសិ្សតនៃវិទ្យាស្ថានវ៉ាន់ដា ក៏បានអញ្ជើញទស្សនាសាលប្រជុំព្រឹទ្ធសភា និងអគារនានានៅក្នុងបរិវេណព្រឹទ្ធសភា៕

ប្រភព៖ នាយកដ្ឋានព័ត៌មាន