khmer eng
  • លោកជំទាវ ទី បូរ៉ាស៊ី ដឹកនាំកិច្ចប្រជុំផ្ទៃក្នុង គណៈកម្មការទី៥ព្រឹទ្ធសភា
     
    ចែករំលែក ៖


    នាព្រឹកថ្ងៃទី២៩ ខែមិថុនា ឆ្នាំ២០២២ គណៈកម្មការកិច្ចការបរទេស សហប្រតិបត្តិការ អន្តរជាតិ យោសនាការ និងព័ត៌មាននៃព្រឹទ្ធសភា (គណៈកម្មការទី៥) បានរៀបចំកិច្ចប្រជុំផ្ទៃក្នុងគណៈកម្មការ ក្រោមអធិបតីភាពលោកជំទាវ ទី បូរ៉ាស៊ី ប្រធានគណៈកម្មការ ក្នុងគោលបំណងដើម្បីពិនិត្យពិភាក្សាលើរបៀបវារៈចំនួន០៣រួមមាន៖
    ១-សេចក្តីរាយការណ៍បូកសរុបអំពីព្រឹត្តិការណ៍ទូទៅជុំវិញពិភពលោកប្រចាំឆមាសទី១ ឆ្នាំ២០២២ ដោយឯកឧត្តម សោម សាវុធ អគ្គនាយករងនៃអគ្គនាយកដ្ឋានពិធីការ និងទំនាក់ទំនងអន្តរជាតិ។
    -សេចក្តីរាយការណ៍អំពីសភាបណ្តាប្រទេសនានាប្រចាំឆមាសទី១ ឆ្នាំ២០២២ ដោយលោក កុយ ម៉ាឡៃវីរៈ ប្រធាននាយកដ្ឋានទំនាក់ទំនងអន្តរជាតិ។
    -សេចក្តីរាយការណ៍ស្តីពីលទ្ធផលការងារស្រាវជ្រាវរបស់អគ្គនាយកដ្ឋានស្រាវជ្រាវប្រចាំឆមាសទី១ ឆ្នាំ២០២២ ដោយឯកឧត្តម គឹម សុចិត្រា អគ្គនាយករងនៃអគ្គនាយកដ្ឋានស្រាវជ្រាវ។
    ២-ការចូលរួមមតិយោបល់របស់ឯកឧត្តម លោកជំទាវ សមាជិកសមាជិកាអង្គប្រជុំ សំនួរ សំណូមពរលើបញ្ហាផ្សេងៗ។
    បូកសរុបរបាយការណ៍សកម្មភាពការងាររបស់គណៈកម្មការទី៥ព្រឹទ្ធសភា ប្រចាំឆមាសទី១ ឆ្នាំ២០២២។
    ៣-បិទបញ្ជីបូកសរុបថវិកាចំណូល ចំណាយរបស់គណៈកម្មការទី៥ព្រឹទ្ធសភាប្រចាំឆមាសទី១ ឆ្នាំ២០២២ ព្រមទាំងពិនិត្យពិភាក្សាលើបញ្ហាផ្សេងៗ។
    កិច្ចប្រជុំនេះប្រព្រឹត្តនៅសាលប្រជុំគណៈកម្មការទី៥ព្រឹទ្ធសភា ដោយមានការអញ្ជើញចូលរួមពីឯកឧត្តម លោកជំទាវ សមាជិក សមាជិកាគណៈកម្មការទី៥ព្រឹទ្ធសភា អគ្គនាយករងនៃអគ្គនាយកដ្ឋានពិធីការ និងទំនាក់ទំនងអន្តរជាតិ អគ្គនាយករងនៃអគ្គនាយកដ្ឋានស្រាវជ្រាវ និងប្រធាននាយកដ្ឋានទំនាក់ទំនងអន្តរជាតិ ព្រមទាំងមន្ត្រីលេខាធិការដ្ឋានអមគណៈកម្មការទី៥ព្រឹទ្ធសភា៕

    ប្រភព៖នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    សមាជិកព្រឹទ្ធសភា បានអញ្ជើញចូលរួមដាក់កម្រងផ្កាគោរពវិញ្ញណក្ខន្ធ ចំពោះវីរយុទ្ធជន វីរយុទ្ធនារី និងប្រជាជនកម្ពុជា ពលីក្នុងរបបប្រល័យពូជសាសន៍ ប៉ុល ពត
    thumbnail
     
    ឯកឧត្តមបណ្ឌិត ចែម វីឌ្យ៉ា ដឹកនាំកិច្ចប្រជុំផ្ទៃក្នុងគណៈកម្មការទី៥ព្រឹទ្ធសភា
    thumbnail
     
    ឯកឧត្តម គឹម ធា ជាសមាជិកក្រុមសមាជិកព្រឹទ្ធសភាប្រចាំភូមិភាគទី៦ បានអញ្ជើញចូលរួមក្នុងពិធីបុណ្យសពលោកជំទាវ សោម វណ្ណា ដែលត្រូវជាភរិយាឯកឧត្តម ភិន ឆាំ សមាជិកក្រុមប្រឹក្សាខេត្តស្វាយរៀង ដែលបានទទួលមរណភាព
    thumbnail
     
    ឯកឧត្តម ឈើយ ចាន់ណា លេខាធិការក្រុមសមាជិកព្រឹទ្ធសភា ប្រចាំភូមិភាគទី៤ មានរៀបចំពិធី ប្រកាសចូលកាន់តំណែងក្រុមប្រឹក្សាស្រុកស្វាយចេក អណត្តិទី៤
    thumbnail
     
    លោកជំទាវ មាន សំអាន ប្រធានក្រុមសមាជិកាព្រឹទ្ធសភា បានអញ្ជើញជាអធិបតីភាព ដឹកនាំកិច្ចប្រជុំពិភាក្សាការងារ នៅសាលប្រជុំគណៈកម្មការទី៨ព្រឹទ្ធសភា ដើម្បីពិនិត្យខ្លឹមសារត្រៀមចុះធ្វើពិធីសំណេះសំណាលជាមួយសមាជិកក្រុមប្រឹក្សាឃុំ សង្កាត់