khmer eng
  • គណៈកម្មការទី៩ព្រឹទ្ធសភា ជួបពិភាក្សាការងារជាមួយថ្នាក់ដឹកនាំក្រសួងប្រៃសណីយ៍ និងទូរគមនាគមន៍
     
    ចែករំលែក ៖

    នាព្រឹកថ្ងៃទី៦ ខែកក្កដា ឆ្នាំ២០២២ គណៈកម្មការសាធារណការ ដឹកជញ្ជូន អាកាសចរស៊ីវិល ប្រៃសណីយ៍ ទូរគមនាគមន៍ ឧស្សហកម្ម រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ នៃព្រឹទ្ធសភា (គណៈកម្មការទី៩) ដឹកនាំដោយឯកឧត្តម គង់ សារាជ ប្រធានគណៈកម្មការ បានអញ្ជើញជួបពិភាក្សាការងារជាមួយថ្នាក់ដឹកនាំក្រសួងប្រៃសណីយ៍ និងទូរគមនាគមន៍ ដឹកនាំដោយឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ ដើម្បីឈ្វេងយល់វិស័យជាសមត្ថកិច្ចរបស់គណៈកម្មការ នៅទីស្តីការក្រសួងប្រៃសណីយ៍ និងទូរគមនាគមន៍។
    ជំនួបពិភាក្សានេះ ផ្តោតលើប្រធានបទសំខាន់ៗចំនួន ០៥គឺ៖
    ១-បច្ចុប្បន្នរបៀបវារៈដ៏សំខាន់របស់រាជរដ្ឋាភិបាល ស្តីពីក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា២០២១-២០៣៥ និងសេចក្តីព្រាងគោលនយោបាយនានារបស់រដ្ឋាភិបាលឌីជីថលកម្ពុជា ដែលបាននឹងកំពុងអនុវត្ត និងដំណើរការ។
    ២-អំពីដំណើរការតាក់តែងសេចក្តីព្រាងច្បាប់ និងលិខិតបទដ្ឋានគតិយុត្តសំខាន់ៗពាក់ព័ន្ធនឹងសេចក្តីព្រាងច្បាប់ ស្តីពីរដ្ឋាភិបាលឌីជីថល សេចក្តីព្រាងច្បាប់ស្តីពីសន្តិសុខសាយប័រ សេចក្ដីព្រាងច្បាប់ស្តីពីការការពារទិន្នន័យបុគ្គល(សិទ្ធិឯកជនភាព) និងសេចក្តីព្រាងច្បាប់ពាក់ព័ន្ធនានា។
    ៣-បច្ចុប្បន្នពាក់ព័ន្ធនឹងការធ្វើបរិវត្តកម្មរដ្ឋាភិបាលឌីជីថលនិងសេវាសាធារណៈ តើគម្រោងជាយុទ្ធសាស្ត្រ ក្នុងការអភិវឌ្ឍហេដ្ឋារចនាសម្ព័ន្ធតភ្ជាប់ឌីជីថលដំណើរការដល់ណា? ពិសេសការរៀបចំនិងពង្រឹង ហេដ្ឋារចនាសម្ព័ន្ធសន្តិសុខឌីជីថល ការកសាងអភិបាលកិច្ចនិងសេវាសាធារណៈឌីជីថល និងការកសាងមូលធនមនុស្សនិងនវានុវត្តន៍ឌីជីថល។
    ៤-អំពីគោលដៅជាយុទ្ធសាស្ត្រ និងចក្ខុវិស័យរបស់ក្រសួងប្រៃសណីយ៍និងទូរគមនាគមន៍ ក្នុងការជំរុញឱ្យ មានយន្តការនិងគោលដៅយូរអង្វែងក្នុងកិច្ចទំនាក់ទំនងជាមួយក្រសួង ស្ថាប័នរដ្ឋ និងស្ថាប័ននីតិប្បញ្ញតិ ទាក់ទងទៅនឹងការបណ្តុះបណ្តាលអក្ខរកម្មឌីជីថល និងជំនាញឌីជីថលដល់មន្ត្រីរាជការ បុគ្គលិក ក្រសួងស្ថាប័នរដ្ឋទាំងថ្នាក់ជាតិ និងក្រោមជាតិ ពិសេសកសាងមន្ត្រីបង្គោលបច្ចេកវិទ្យាតាមស្ថាប័ន។
    ៥-បច្ចុប្បន្នអង្គភាពទទួលបន្ទុកបរិវត្តកម្មឌីជីថលនៅតាមក្រសួងស្ថាប័ន និងរដ្ឋបាលថ្នាក់ក្រោមជាតិ ចាប់ផ្ដើមដំណើរការហើយឬនៅ? គណៈប្រតិភូគណៈកម្មការទី៩ព្រឹទ្ធសភា ចាប់អារម្មណ៍ខ្លាំងដល់ការអភិវឌ្ឍហេដ្ឋារចនាសម្ព័ន្ធឌីជីថលនៅថ្នាក់ក្រោមជាតិ (ថ្នាក់ឃុំ សង្កាត់) ក្នុងការបង្កើនការចូលរួម បង្កើនការឆ្លើយតប និងបង្កើនភាពជាតំណាងរបស់ព្រឹទ្ធសភា ក្នុងនោះមានដូចជា៖ យកចិត្តទុកដាក់ជាពិសេសលើយុវជន ជំរុញយុវជនសម្រាប់ការឈានមុខអភិវឌ្ឍន៍ខ្លួនតាមរយៈបច្ចេកវិទ្យា និងលើកទឹកចិត្តយុវជនចំពោះនវានុវត្តភាព។
    ទន្ទឹមនឹងនេះ គណៈប្រតិភូគណៈកម្មការទី៩ព្រឹទ្ធសភា មានបំណងរួមប្រតិបត្តិការជាមួយនឹងក្រសួងប្រៃសណីយ៍ និងទូរគមនាគមន៍ ដើម្បីការអភិវឌ្ឍឌីជីថលនៅថ្នាក់ក្រោមជាតិ និងគម្រោងក្នុងការផ្តល់សេវាអ៊ីនធឺណិតឱ្យបានទៅដល់បណ្តាឃុំដាច់ស្រយាល៕

    បន្ទាប់ពីជំនួបសវនាការចប់ គណៈប្រតិភូ គណៈកម្មការទី៩ បានទៅទស្សនកិច្ចមជ្ឈមណ្ឌលប្រតិបត្តិការសន្តិសុខ (S.O.C)ដេីម្បីស្វែងយល់ អំពីមជ្ឈមណ្ឌលទិន្នន័យ សេវាហេដ្ឋារចនាសម្ព័ន្ធតភ្ជាប់ នឹងសេវាហេដ្ឋារចនាសម្ព័ន្ធប្រតិបត្តិការប្រព័ន្ធឌីជីថលរបស់ក្រសួងប្រៃសណីយ៍ និងទូរគមនាគមន៍ ។

    ប្រភព៖ នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម ប្រាក់ ចំរើន អញ្ជើញជួបសំណេះសំណាលជាមួយអាជ្ញាធរ និងក្រុមប្រឹក្សាឃុំដំណាក់អំពិល ស្រុកអង្គស្នួល ខេត្តកណ្តាល
    thumbnail
     
    ឯកឧត្តម ទេព យុទ្ធី អញ្ជើញជាអធិបតីដឹកនាំកិច្ចប្រជុំជាមួយនឹងមន្ត្រីនៃការិយាល័យជំនួយការគណៈកម្មការទី៨ព្រឹទ្ធសភា
    thumbnail
     
    សម្ដេចប្រធានព្រឹទ្ធសភា អនុញ្ញាតឱ្យនិស្សិតជ័យលាភីអាហារូបករណ៍ JDS និងសាធារណរដ្ឋឆែក ចូលជួបសម្តែងការគួរសម និងទទួលអនុសាសន៍
    thumbnail
     
    ឯកឧត្តម នាង ផាត ដឹកនាំកិច្ចប្រជុំក្រុមសមាជិកព្រឹទ្ធសភាប្រចាំភូមិភាគទី៨
    thumbnail
     
    ឯកឧត្តម អ៊ុច បូររិទ្ធ អនុប្រធានទី២ ព្រឹទ្ធសភា និងគណប្រតិភូ បានឆ្លៀតឱកាសចូលរួមកម្មវិធិជួបជុំអាហារសាមគ្គិជាមួយបងប្អូនខ្មែររស់នៅប្រទេសកាណាដា