khmer eng
  • លោកជំទាវ មាន សំអាន អញ្ជើញបើកកិច្ចពិគ្រោះយោបល់ថ្នាក់ជាតិស្តីពីការពិនិត្យលើវឌ្ឍនភាពរបស់កម្ពុជាក្នុងដំណើរឆ្ពោះទៅកិច្ចប្រជុំកម្រិតខ្ពស់របស់អង្គការសហប្រជាជាតិស្តីពីជំងឺរបេង(UNHLM-TB) ឆ្នាំ២០២៣
     
    ចែករំលែក ៖

    នាព្រឹកថ្ងៃទី០៧ ខែកក្កដា ឆ្នាំ២០២២ លោកជំទាវ មាន សំអាន ប្រធានគណៈកម្មការទី៨ព្រឹទ្ធសភា អញ្ជើញជាអធិបតីភាពក្នុងពិធីបើកកិច្ចពិគ្រោះយោបល់ថ្នាក់ជាតិ ស្តីពីការពិនិត្យលើវឌ្ឍនភាពរបស់កម្ពុជាក្នុងដំណើរឆ្ពោះទៅកិច្ចប្រជុំកម្រិតខ្ពស់របស់អង្គការសហប្រជាជាតិស្តីពីជំងឺរបេង(UNHLM-TB) ឆ្នាំ២០២៣ នៅសណ្ឋាគារកាំបូឌីយ៉ាណាភ្នំពេញ ដោយមានការចូលរួមពីសមាជិក សមាជិកាព្រឹទ្ធសភា រដ្ឋសភា មជ្ឈមណ្ឌលជាតិកំចាត់រោគរបេង និងហង់សិន តំណាងអង្គការសុខភាពពិភពលោកប្រចាំកម្ពុជា នាយកប្រតិបត្តិអង្គការខាណា និងជានាយកគ្រប់គ្រងគម្រោងខំមីត តំណាងទីភ្នាក់ងារសហរដ្ឋអាមេរិកសម្រាប់អភិវឌ្ឍន៍អន្តរជាតិ(USAIDD) ប្រចាំកម្ពុជា និងបងប្អូនតំណាងឱ្យអ្នករងផលប៉ះពាល់ដោយសារជំងឺរបេង។
    កិច្ចពិគ្រោះយោបល់ថ្នាក់ជាតិនេះ រៀបចំឡើងក្នុងគោលបំណងដើម្បី៖
    ១-ស្វែងយល់ ពិនិត្យមើល និងពិភាក្សាអំពីវឌ្ឍនភាពរបស់កម្ពុជា ដោយរាប់បញ្ចូលទាំងការស្វែងរកករណីរបេងគ្រប់ទម្រង់ របេងស៊ាំថ្នាក់ របេងកុមារ ការព្យាបាលជំងឺរបេងបង្ការ(TPT) និងតម្រូវការធនធាន សម្រាប់អនុវត្តសេចក្តីប្រកាសនយោបាយ ស្តីពីរបេងនៅឆ្នាំ២០១៨។
    ២-កៀរគរការចូលរួមពីភាគីពាក់ព័ន្ធសំខាន់ៗ នៅកម្រិតថ្នាក់ជាតិ រួមមានសមាជិក សមាជិកាព្រឹទ្ធសភា រដ្ឋសភា អ្នកសិល្បៈករ សិល្បៈការិនី អ្នកព័ត៌មាន អង្គការសង្គមស៊ីវិល បណ្ដាញសហគមន៍ ទីភ្នាក់ងារអង្គការសហប្រជាជាតិ វិស័យឯកជន និងស្ថាប័នពាក់ព័ន្ធនានា ដើម្បីចូលរួមចំណែក និងគាំទ្រលើការប្តេជ្ញាចិត្ត និងការខិតខំប្រឹងប្រែងរបស់កម្ពុជាក្នុងដំណើរឆ្ពោះទៅកិច្ចប្រជុំកម្រិតខ្ពស់របស់អង្គការសហប្រជាជាតិស្តីពីជំងឺរបេង(UNHLM-TB) ឆ្នាំ២០២៣។
    ៣-ផ្តល់នូវអនុសាសន៍ និងសំណូមពរដើម្បីធ្វើឱ្យប្រាកដថា គោលដៅទាំងឡាយរបស់ប្រទេសអាចឈានទៅសម្រេចបាន និងរាយការណ៍ក្នុងកិច្ចប្រជុំកម្រិតខ្ពស់របស់អង្គការសហប្រជាជាតិស្តីពីជំងឺរបេង(UNHLM-TB) ឆ្នាំ២០២៣។
    កិច្ចពិគ្រោះយោបល់ថ្នាក់ជាតិនេះ ប្រព្រឹត្តទៅរយៈពេលមួយថ្ងៃ ផ្តោតលើប្រធានបទសំខាន់ៗចំនួន០៥៖ ទី១-ព័ត៌មានគន្លឹះសំខាន់ៗនៃគោលដៅរបស់ប្រទេសកម្ពុជាពីឆ្នាំ២០១៨ ដល់២០២១ឬ២០២២ ទី២-តើយើងអាចពន្លឿនការឆ្លើយតបយ៉ាងដូចម្តេច ដើម្បីបំពេញនូវចន្លោះប្រហោងនៃគោលដៅរបស់ប្រទេសកម្ពុជា (ដោយពិនិត្យលើគោលដៅជាក់លាក់) ទី៣-ការពិភាក្សាពេញអង្គលើប្រធានបទ ការប្តេជ្ញាចិត្តផ្នែកនយោបាយ និងភាពជាអ្នកដឹកនាំក្នុងការឆ្លើយតបជំងឺរបេង ទី៤-ការពិភាក្សាពេញអង្គលើប្រធានបទ ហេតុអ្វីបានជាយើងត្រូវវិនិយោគ ដើម្បីបញ្ចប់ការរាតត្បាតបញ្ចប់ជំងឺរបេងត្រឹមឆ្នាំ២០៣០ និងប្រធានបទទី៥-ការពិភាក្សាពេញអង្គលើប្រធានបទ ក្របខណ្ឌគណនេយ្យ ភាពពហុវិស័យ សម្រាប់ឆ្លើយតបជំងឺរបេង។

    ប្រភព៖នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម អ៊ុំ សារឹទ្ធ ដឹកនាំកិច្ចប្រជុំពិនិត្យលើការងារសំខាន់ៗរបស់អគ្គលេខាធិការដ្ឋានព្រឹទ្ធសភា
    thumbnail
     
    ឯកឧត្តម ម៉ាន់ ឈឿន បានជួយឧបត្ថម្ភកង់កង់ចំនួន៣គ្រឿង ដល់កូនបុគ្គលិកផ្នែកសំអាត និងផ្នែកសន្តិសុខ
    thumbnail
     
    ឯកឧត្តម ម៉ម ប៊ុននា អញ្ជើញជាគណៈអធិបតីក្នុងពិធីអបអរសាទរទិវាជាតិ-អន្តរជាតិប្រយុទ្ធប្រឆាំងអំពើពុករលួយ ០៩ ធ្នូ
    thumbnail
     
    សភានៃព្រះរាជាណាចក្រកម្ពុជា រៀបចំពិធីអបអរសាទរទិវាសិទ្ធិមនុស្សអន្តរជាតិ១០ធ្នូ ខួបលើកទី៧៤
    thumbnail
     
    ព្រឹទ្ធសភារៀបចំវេទិកាពង្រឹងសមត្ថភាពដឹកនាំរបស់សមាជិកក្រុមប្រឹក្សាឃុំ សង្កាត់ជាស្រ្តី ក្នុងការផ្តល់សេវាសាធារណៈជូនប្រជាពលរដ្ឋ នៅខេត្តសៀមរាប