khmer eng
  • ឯកឧត្តម ម៉ុម ជឹមហ៊ុយ បានអញ្ជើញជាអធិបតីក្នុងពិធីសុំម្ចាស់ទឹកម្ចាស់ដី និងប្រកាសបើកការដ្ឋានសាងសង់បណ្ណាល័យមួយខ្នង ជូនសាលាបឋមសិក្សាបឹងក្អែក
     
    ចែករំលែក ៖

    នាព្រឹកថ្ងៃព្រហស្បតិ៍ ទី០៨ ខែកញ្ញា ឆ្នាំ២០២២ ឯកឧត្តម ម៉ុម ជឹមហ៊ុយ ប្រធានគណៈកម្មការទី៧ ព្រឹទ្ធសភា និងលោកជំទាវ ព្រមទាំងក្រុមគ្រួសារ បានអញ្ជើញជាអធិបតីក្នុងពិធីសុំម្ចាស់ទឹកម្ចាស់ដី និងប្រកាសបើកការដ្ឋានសាងសង់បណ្ណាល័យមួយខ្នង ជូនសាលាបឋមសិក្សាបឹងក្អែក ស្ថិតនៅភូមិបឹងក្អែក ឃុំពាមមានជ័យ ស្រុកពាមរក៍ ខេត្តព្រៃវែង។ ថ្លែងក្នុងឱកាសនោះ ឯកឧត្តមប្រធាន បានសម្តែងនូវមនោសញ្ចេតនាសប្បាយរីករាយ និងកោតសរសើរដល់ថ្នាក់ដឹកនាំ លោកគ្រូ អ្នកគ្រូ ដែលបានខិតខំបណ្តុះបណ្តាលធនធានមនុស្ស ដោយស្មារតីទទួលខុសត្រូវខ្ពស់ ទោះស្ថិតក្នុងស្ថានភាពនៃការរាតត្បាតជំងឺកូវីដ-១៩ក៏ដោយ។ ប្រទេសជាតិមួយមានការរីកចម្រើនជឿនលឿនទៅបាន គឺអាស្រ័យលើកក្តាធនធានមនុស្សសម្បូរបែបប ប្រកបដោយគុណភាព គុណធម៌ ធ្វើជាគំរូ និងការទទួលខុសត្រូវ។ ការផ្តល់ជូនបណ្ណាល័យនាពេល គឺជាការរួមចំណែកជាមួយរាជរដ្ឋាភិបាល ក្នុងការកសាង និងលើកស្ទួយវិស័យអប់រំ ដើម្បីរួមចំណែក្នុងការបណ្តុះបណ្តាលធនធានមនុស្ស យើងបន្តរួបរួមគ្នាកសាង និងអភិវឌ្ឍប្រទេសជាតិយើងឱ្យកាន់តែរីកចម្រើនជាបន្តបន្ទាប់។ សូមជម្រាបជូនថា បណ្ណាល័យនេះ មានបណ្តោយប្រវែង៨,២០ម៉ែត្រ ទទឹងប្រវែង៦,៣០ម៉ែត្រ កម្ពស់មួយជាន់ ដំបូលប្រកក្បឿង គម្រោងចំណាយថវិកាផ្ទាល់ខ្លួនប្រមាណជា២០.០០០ដុល្លារអាមេរិក។ នាឱកាសនោះ ឯកឧត្តមប្រធាន និងក្រុមគ្រួសារ បានឧបត្ថម្ភថវិកាសម្រាប់វេណបិណ្ឌនាពេលខាងមុខ និងអ្នកចូលរួមផងដែរ អស់ថវិកាចំនួន៣.០០០.០០០រៀល។


    អត្ថបទពាក់ព័ន្ធ
       អត្ថបទថ្មី
    thumbnail
     
    គណៈកម្មការទី៩ព្រឹទ្ធសភា ប្រជុំជាមួយតំណាងរាជរដ្ឋាភិបាល ដើម្បីពិនិត្យសិក្សាលើសេចក្តីព្រាងច្បាប់ស្តីពី ការអនុម័តយល់ព្រមលើកិច្ចព្រមព្រៀងពាណិជ្ជកម្មសេវាកម្មអាស៊ាន
    thumbnail
     
    ឯកឧត្តម អ៊ុំ សារឹទ្ធ ដឹកនាំកិច្ចប្រជុំពិនិត្យការកែសម្រួលរចនាសម្ព័ន្ធ តួនាទី ភារកិច្ច អគ្គនាយកដ្ឋានព័ត៌មាន និងទំនាក់ទំនងសាធារណៈ និងអគ្គនាយកដ្ឋានស្រាវជ្រាវ
    thumbnail
     
    ឯកឧត្តម ឈិត គឹមយាត ដឹកនាំកិច្ចប្រជុំត្រៀមចូលរួមមហាសន្និបាតអន្តរសភាអាស៊ាន (AIPA)លើកទី៤៤
    thumbnail
     
    ឯកឧត្ដម ឈើយ ចាន់ណា ជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញចុះពិនិត្យប្រភពទឹកអាងខ្វាវកើត ឃុំរលួស ស្រុកស្វាយចេក ខេត្តបន្ទាយមានជ័យ
    thumbnail
     
    ឯកឧត្តមបណ្ឌិត ម៉ុង ប្ញទ្ធី ប្រធានគណៈកម្មការផែនការ វិនិយោគ កសិកម្ម ធនធានទឹក ឧតុនិយម អភិវឌ្ឍន៍ជនបទ និងបរិស្ថាននៃព្រឹទ្ធសភា(គណៈកម្មការទី៣) បានអញ្ជើញចូលរួមជាគណៈអធិបតីក្នុងវេទិកាស្តីពី ការការពារនិងអភិរក្សធនធានធម្មជាតិ