ថ្ងៃច័ន្ទ ទី១២ ខែកញ្ញា ឆ្នាំ២០២២វេលាម៉ោង១៥:០០នាទី ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី១ បានអញ្ជើញចូលរួមប្រជុំវេទិកាសាធារណៈជាមួយក្រុមប្រឹក្សាសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ លោកអធិការរងនគរបាលខណ្ឌ លោកនាយប៉ុស្តិ៍ លោកមេភូមិទាំង១៣ រួមជាបងប្អូនប្រជាពលរដ្ឋជាង៤០គ្រួសារ ដើម្បីស្តាប់ ទទួលសំណូមពរ និងរួមគ្នាពិភាក្សាដោះស្រាយបញ្ហាចំពោះមុខ បានយ៉ាងទាន់ពេល ក្នុងបរិយាកាសស្និទ្ធស្នាល អធ្យាស្រ័យយោគយល់គ្នា និងសុខដុមរមនាក្រៃលែង។ ព្រមជាមួយគ្នានេះសូមបងប្អូនប្រជាពលរដ្ឋ មេត្តាអញ្ជើញចូលរួមកាន់បិណ្ឌតាមវេណកម្មវិធីបុណ្យភ្ជំបិណ្ឌ ដែលបានកំណត់តាមគន្លងប្រពៃណីព្រះពុទ្ធសាសនា និងសូមទទួលបានកុសលផលបុណ្យតាមទឹកចិត្តជ្រះថ្លារៀងៗខ្លួន។
