នាព្រឹកថ្ងៃទី២៣ ខែកញ្ញា ឆ្នាំ២០២២ នៅទីតាំងសាលាក្រុងសិរីសោភ័ណឯកឧត្ដម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ ឯកឧត្ដម អុី ឡុង តំណាងរាស្រ្តមណ្ឌលខេត្តបន្ទាយមានជ័យ តំណាងដ៏ខ្ពង់ខ្ពស់ឯកឧត្ដមនាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រីប្រធានអជ្ញាធរជាតិប្រយុទ្ធប្រឆាំងគ្រឿងញៀន និងជាប្រធាក្រុមប្រឹក្សាភិបាលសមាគមមូលនិធិមនុស្សចាស់ រួមជាមួយលោក លោកស្រី ក្រុមការងារចុះជូយសង្កាត់ទាំង៧ លោក ជាម សុខ ប្រធានក្រុមប្រឹក្សាក្រុង និងសមាជិក លោក ស្រេង សុផល អភិបាលក្រុងនិងអភិបាលរង បានជួបសំណេះសំណាល នាំយកអំណោយរបស់សមាគមមូលនិធិមនុស្សចាស់ ចែកជូនចាស់ជរាគ្មានទីពឹង៥៦នាក់ ក្នុងសង្កាត់ទាំង៧ក្រុងសិរីសោភ័ណ ខេត្តបន្ទាយមានជ័យ។ សម្ភារៈ និងថវិកាមាន:-ក្រម៉ា១ -កំសៀវដាំទឹកអគ្គីសនី១ -ពិលជួតក្បាល១ -សារុង១ -ទឹកដោះគោ៥កំប៉ុង -តែ១កញ្ចប់ -ស្ករស១គីឡូក្រាម -មីកញ្ចប់ថៃ៥កញ្ចប់ -កៅអៀកខ្លាបិទ៥បន្ទះ -អំបិលអុីយ៉ូត១កញ្ចប់ -ប្រេងខ្យល់១ដប -ទឹកសុីអុីវ១ដប -ទឹកត្រី១ដប -ប្រេងឆា១លីត១ដប -ត្រីខ៥កំប៉ុង -ទឹកសុទ្ធ១យួរ -អង្ករ២០គីឡូក្រាម និងថវិកា ៥មុឺនរៀល។
