នាព្រឹកថ្ងៃអាទិត្យ ទី៣០ ខែតុលា ឆ្នាំ២០២២ ឯកឧត្ដម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញចូលរួមក្នុងពិធីបុណ្យកឋិនសាមគ្គី តាមពុទ្ធានុញ្ញាត្ត ផ្តួចផ្ដើមដោយ ឯកឧត្ដមនាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រីប្រធានអជ្ញាធរជាតិប្រយុទ្ធប្រឆាំងគ្រឿងញៀន និងលោកជំទាវ ដើម្បីប្រមូលបច្ច័យប្រគេនព្រះសង្ឃ ទុកសម្រាប់កសាងសមិទ្ធផលនានាក្នុងវត្ត ទ្រទ្រង់ព្រះពុទ្ធសាសនាឱ្យរីកចម្រើនរុងរឿងតរៀងទៅ។ ម្យ៉ាងទៀត ដើម្បីប្រមូលកុសលផលបុណ្យអានិសង្ស ដែលបានពីបុណ្យនេះ ឧទ្ទិសជូនដល់បុព្វការីជន លោកវីរជន វីរនារី អ្នកស្នេហាជាតិ ដែលបានពលីដើម្បីបុព្វហេតុការពារជាតិមាតុភូមិ សូមលោកបានទៅកើតនៅឋានសុគតិភព កុំបីឃ្លាងឃ្លាតឡើយ។ ក្នុងកម្មវិធីកឋិននេះ ក៏មានការអញ្ជើញចូលរួមពី សមាជិករដ្ឋសភា ក្រុមការងារថ្នាក់ជាតិចុះជួយខេត្ត ឯកឧត្ដម ប្រធានក្រុមប្រឹក្សាខេត្ត ឯកឧត្ដមលោកជំទាវសមាជិកក្រុមប្រឹក្សាខេត្ត ឯកឧត្ដម អភិបាលខេត្ត អភិបាលរងខេត្ត មន្ត្រីរាជការ កងកំលាងប្រដាប់អាវុធ ពុទ្ធបរិស័ទយ៉ាងច្រើនកុះករ។ អង្គកឋិនទាននេះ បានដង្ហែរចេញពីសាលាខេត្តបន្ទាយមានជ័យ ឆ្ពោះទៅកាន់ វត្តសុវណ្ណបុព្វតាខ្លាកូនចាស់ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។