khmer eng
  • ឯកឧត្តម ម៉ម ប៊ុននាង នាំយកអំណោយរបស់សម្តេចប្រធានព្រឹទ្ធសភា ប្រគល់ជូនមន្ទីរពេទ្យបង្អែកខេត្តកំពង់ស្ពឺ
     
    ចែករំលែក ៖


    នាព្រឹកថ្ងៃអាទិត្យ ទី០៦ ខែវិច្ឆិកា ឆ្នាំ២០២២ ឯកឧត្តម ម៉ម ប៊ុននាង ប្រធានគណៈកម្មការគណៈកម្មការអង្កេត បោសសម្អាត និងប្រឆាំងអំពើពុករលួយ នៃព្រឹទ្ធសភា (គណៈកម្មការទី១០) អ្នកនាំពាក្យព្រឹទ្ធសភា និងជាតំណាងដ៏ខ្ពង់ខ្ពស់របស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា បានអញ្ជើញនាំយកបរិក្ខាពេទ្យ ឱសថ ឧបករណ៍-សម្ភារវេជ្ជសាស្ត្រ ដែលជាអំណោយរបស់មូលនិធិចែករំលែកសង្គ្រោះជីវិតសកល នៃសាធារណរដ្ឋកូរ៉េ ប្រគល់ជូនមន្ទីរពេទ្យបង្អែកខេត្តកំពង់ស្ពឺ មន្ទីរពេទ្យបង្អែកគងពិសី មន្ទីរពេទ្យបង្អែកឧត្តុង្គ និងមន្ទីរពេទ្យបង្អែកភ្នំស្រួច ដោយមានការអញ្ជើញចូលរួមពីកឧត្តម គង់ សារាជ ប្រធានក្រុមសមាជិកព្រឹទ្ធសភាប្រចាំភូមិភាគទី៧ ឯកឧត្តម ហែម ខន អនុប្រធានគណៈកម្មការទី១០ និងជាអនុប្រធានក្រុមសមាជិកព្រឹទ្ធសភាប្រចាំភូមិភាគទី៧ ឯកឧត្តម វី សំណាង អភិបាល នៃគណៈអភិបាលខេត្តកំពង់ស្ពឺ និងតំណាងមូលនិធិចែករំលែកសង្គ្រោះជីវិតសកល នៃសាធារណរដ្ឋកូរ៉េ នៅមន្ទីរពេទ្យបង្អែកខេត្តកំពង់ស្ពឺ។
    បរិក្ខាពេទ្យ ឱសថ ឧបករណ៍-សម្ភារវេជ្ជសាស្ត្រ ដែលប្រគល់-ទទួលនាពេលនោះរួមមាន៖ ថ្នាំថាក់ភ្នែក(Troaone Eye Drops) ចំនួន០១កេស, ថ្នាំបន្តក់ភ្នែកតូច(Hyalone Eye Drops) ចំនួន៣៥កេស, ថ្នាំម្សៅកេសពណ៌ស្វាយ(Macapenem)ចំនួន២៧កេស, ថ្នាំ(Telmino one tab) ចំនួន៤១កេស, ថ្នាំលាប(Gel MaDecassal) ចំនួន១២កេស, ថ្នាំម្សៅកេសធំ(Amcotin)ចំនួន៤១កេស, ថ្នាំកំប៉ុងកេសពណ៌ស្វាយ ចំនួន០៣កេស, ថ្នាំដុះធ្មេញកូនក្មេង ចំនួន៦៥កេស, ថ្នាំ(Cefotin) ចំនួន១៧កេស, ថ្នាំវីតាមីន(Mao-B Active) ចំនួន០៣កេស, ថ្នាំកំប៉ុង(ពណ៍ស្វាយ) ចំនួន០១កេស, ថ្នាំ(Cefnil)ចំនួន០១កេស, ថ្នាំ(Antioxan) ចំនួន០១កេស, ថ្នាំ(Aepen) ចំនួន០១កេស។
    បន្ទាប់មកឯកឧត្តម ម៉ម ប៊ុននាង និងគណៈប្រតិភូគណៈបានអញ្ជើញចុះពិនិត្យមើលអគ្គាមន្ទីរពេទ្យបង្អែកខេត្តកំពង់ស្ពឺកំពុងសាងសង់ ព្រមទាំងជួបសំណេះសំណាលសួរសុខទុក្ខ និងនាំយកថវិការបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា និងលោកជំទាវ ចែកជូនដល់ស្ត្រីដែលទើបសម្រាលកូនកំពុងសម្រាកព្យាបាលជំងឺនៅក្នុងមន្ទីរពេទ្យចំនួន៤០នាក់ ដោយក្នុងម្នាក់ថវិកា៥ម៉ឺនរៀល៕

    ប្រភព៖នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តមកិត្តិសេដ្ឋាបណ្ឌិត ជា ជេដ្ឋ បានអញ្ជើញស្តាប់ការធ្វើបទបង្ហាញរបស់មន្ត្រីជំនាញ ស្តីពី សេចក្តីព្រាងច្បាប់ស្តីពី ការទូទាត់ថវិកាទូទៅរបស់រដ្ឋសម្រាប់ការគ្រប់គ្រងឆ្នាំ២០២១ និងសេចក្តីព្រាងច្បាប់ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ២០២៣
    thumbnail
     
    សម្តេចវិបុលសេនាភក្តី សាយ ឈុំ ប្រធានព្រឹទ្ធសភា អនុញ្ញាតឲ្យគណៈប្រតិភូបេសកកម្មសុឆន្ទៈ នៃសភាប្រើភាសាបារាំង ចូលជួបសម្តែងការគួរសម
    thumbnail
     
    ឯកឧត្តមកិត្តិសេដ្ឋាបណ្ឌិត ជា ជេដ្ឋ បានបើកកិច្ចប្រជុំផ្ទៃក្នុង គណៈកម្មការទី២ ព្រឹទ្ធសភា
    thumbnail
     
    ឯកឧត្ដម សុខ ឥសាន និង លោកជំទាវ ស៊ុន សាភឿន បានអញ្ជើញទទួលស្វាគមន៍ ឯកឧត្ដម Christophe- André Frassa នៅបន្ទប់ពិសេស VIP អាកាសយានដ្ឋានអន្ដរជាតិភ្នំពេញ
    thumbnail
     
    ឯកឧត្តម កែវ ចាន់ណា ដឹកនាំកិច្ចប្រជុំពិនិត្យអំពីការៀបចំ Mobile App របស់ព្រឹទ្ធសភា