នាព្រឹកថ្ងៃទី២៥ ខែវិច្ឆិកា ឆ្នាំ២០២២ វេលាម៉ោង៩:០០នាទីព្រឹក នៅសាលប្រជុំគណៈកម្មការទី១ ឯកឧត្តម យ៉ង់ សែម ប្រធានគណៈកម្មកាទី១ និងជាប្រធានក្រុមសមាជិកព្រឹទ្ធសភាប្រចាំភូមិភាគទី៨ និងឯកឧត្តម ខៀវ មុត អនុប្រធានគណៈកម្មការទី១ និងជាប្រធានគណៈកម្មការរៀបចំពិធីអបអរសាទរទិវាសិទ្ធិមនុស្ស១០ធ្នូ បានដឹកនាំកិច្ចប្រជុំមួយជាមួយមន្ត្រីលេខាធិការដ្ឋានអមគណៈកម្មការទី១ និងមន្ត្រីការិយាល័យអមក្រុមភូមិភាគទី៨ ដើម្បីៈ ១-សួរសុខទុក្ខនិងសុខភាពរបស់មន្ត្រីគណៈកម្មការទី១ មន្ត្រីលេខាអមភូមិភាគទី៨, ២-ស្តាប់សេចក្តីរាយការណ៍របស់មន្ត្រី អំពីវឌ្ឍនភាព នៃការត្រៀមរៀបចំជំនួបពិភាក្សាការងារជាមួយឯកឧត្តមរដ្ឋមន្រ្តីក្រសួងបរិស្ថាន និងក្រសួងពាក់ព័ន្ធ ស្តីពីសំណើររបស់សហគមន៍ជនជាតិដើមភាគតិច១៦នាក់ ១៦អំបូរ ក្នុងការសម្រួលសេចក្តីព្រាងច្បាប់ស្តីពីតំបន់ការពារធម្មជាតិ ,៣-ស្តាប់សេចក្តីរាយការណ៍របស់មន្ត្រី អំពីវឌ្ឍនភាព នៃការត្រៀមរៀបចំពិធីអបអរសាទរទិវាសិទ្ធិមនុស្សជាតិ១០ធ្នូ ខួបលើកទី៧៤ ឆ្នាំ២០២២ នាពេលខាងមុខ។
