khmer eng
  • លោកជំទាវ មាន សំអាន អញ្ជើញសំណេះសំណាលក្មួយៗពិការភាពសតិបញ្ញា និងអូទីស្សឹម នៅក្រុងតាខ្មៅ
     
    ចែករំលែក ៖

    នារសៀលថ្ងៃទី២៨ ខែវិច្ឆិកា ឆ្នាំ២០២២ លោកជំទាវ មាន សំអាន ប្រធានគណៈកម្មការទី៨ព្រឹទ្ធសភា និងជាប្រធានសម្ព័ន្ធភាពសង្គមស៊ីវិល ដើម្បីសន្តិសុខមនុស្សជាតិ សាមគ្គីភាព និងអភិវឌ្ឍន៍មាតុភូមិកម្ពុជា បានអញ្ជើញជាអធិបតីភាពក្នុងពិធីជួបសំណេះសំណាល សួរសុខទុក្ខ និងនាំយកអំណោយរបស់ក្រុមប្រឹក្សាជាតិរណសិរ្សសាមគ្គី អភិវឌ្ឍន៍មាតុភូមិកម្ពុជា ចែកជូនដល់ក្មួយៗពិការភាពសតិបញ្ញា និងអូទីស្សឹម នៅវិទ្យាល័យអប់រំពិសេសក្រុងតាខ្មៅ ខេត្តកណ្តាល ដោយមានការអញ្ជើញចូលរួមពីលោកគ្រូ អ្នកគ្រូចំនួន ៥៨នាក់ សិស្សពិការភាពសតិបញ្ញា និងអូទីស្សឹមចំនួន ២១៥នាក់ មាតាបិតា និងអាណាព្យាបាលសិស្សចំនួន ៤៥នាក់ និងភ្ញៀវកិត្តិយសចំនួន១៥នាក់ សរុប ៣៣៣នាក់។
    ពិធីសំណេះសំណាលនេះ រៀបចំឡើងដើម្បីរំលឹកខួបលើកទី៤៤ ទិវាកំណើតរណសិរ្សសាមគ្គី អភិវឌ្ឍន៍មាតុភូមិកម្ពុជា។ អង្គពិធីដំណើរការតាមកម្មវិធី ដូចខាងក្រោម៖
    ១.របាយការណ៍សង្ខេបលោក ចាន់ សារិន នាយកអង្គការជំនួយនៃក្តីសង្ឃឹមសម្រាប់សហគមន៍ និង និងជានាយកវិទ្យាល័យអប់រំពិសេសក្រុងតាខ្មៅ។
    ២.មតិសំណោះសំណាល និងចំណាប់អារម្មណ៍របស់ឯកឧត្តម ញ៉ែម ម៉ាលី រដ្ឋលេខាធិការ ក្រសួងធម្មការ និងសាសនា និងជាអគ្គលេខាធិការក្រុមប្រឹក្សាជាតិរណសិរ្សសាមគ្គីអភិវឌ្ឍន៍មាតុភូមិកម្ពុជា។
    ៣.មតិសំណោះសំណាល និងផ្តាំផ្ញើ លោកជំទាវ មាន សំអាន ប្រធានគណៈកម្មការទី៨ព្រឹទ្ធសភា និងជាប្រធានសម្ព័ន្ធភាពសង្គមស៊ីវិល ដើម្បីសន្តិសុខមនុស្សជាតិ សាមគ្គីភាព និងអភិវឌ្ឍន៍មាតុភូមិកម្ពុជា។
    ៤.ពិធីប្រគល់អំណោយដល់ដល់កុមារពិការសតិបញ្ញា និងអូទីស្សឹម នៃអង្គការ HHC ។
    ៥.គណៈអធិបតីផ្តល់កិត្តិយសកាត់នំគម្រប់ខួប១០ឆ្នាំនៃអង្គការ HHC ។
    ៦.គណៈអធិបតី សរសេរក្នុងក្រាំងមាសទុកជាអនុស្សាវរីយ៍ ៕

    ប្រភព៖ នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    គណៈកម្មការទី២ព្រឹទ្ធសភា ចុះឈ្វេងយល់អំពីការអភិវឌ្ឍមូលដ្ឋាន និងការបម្រើសេវាជូនប្រជាពលរដ្ឋរបស់ស្រុកកោះអណ្តែត
    thumbnail
     
    ឯកឧត្តម លឹម ប៊ុនហុក អញ្ជើញបិទវគ្គបណ្តុះបណ្តាលស្តីពីវិធីសរសេរគម្រោងស្នេីសុំពីប្រទេសចិន
    thumbnail
     
    ក្រុមសមាជិកព្រឹទ្ធសភា ប្រចាំភូមិភាគទី១ បានរៀបចំពិធីសំណេះសំណាលជាមួយព្រះសង្ឃ គណៈកម្មការអាចារ្យវត្ត សីលវ័ន្ត សីលវតី និងសិស្ស និស្សិត ស្នាក់នៅទាំង៥វត្ត
    thumbnail
     
    ក្រុមសមាជិកព្រឹទ្ធសភាប្រចាំភូមិភាគទី២ ផ្តល់ឧបករណ៍តេស្តរហ័សកូវីដ-19 ចំនួន១៤០ប្រអប់តូច ដល់ការិយាល័យសុខាភិបាលស្រុកប្រតិបត្តិស្រុកមេមត់
    thumbnail
     
    ក្រុមសមាជិកព្រឹទ្ធសភាប្រចាំភូមិភាគទី២ សំណេះសំណាលជាមួយអាជ្ញាធរ នៃឃុំចំនួន០៤ ក្នុងស្រុកមេមត់