khmer eng
  • លោកជំទាវ មាន សំអាន អញ្ជើញជាអធិបតីភាពបិទវេទិកាស្តីពីពង្រឹងសមត្ថភាពដឹកនាំរបស់សមាជិកក្រុមប្រឹក្សាឃុំ សង្កាត់ជាស្រ្តី ក្នុងការផ្តល់សេវាសាធារណៈជូនប្រជាពលរដ្ឋ នៅខេត្តសៀមរាប
     
    ចែករំលែក ៖

    នារសៀលថ្ងៃទី០៩ ខែធ្នូ ឆ្នាំ២០២២ លោកជំទាវ មាន សំអាន ប្រធានក្រុមសមាជិកាព្រឹទ្ធសភា បានអញ្ជើញជាអធិបតីភាពក្នុងពិធីបិទវេទិកាស្តីពី ការពង្រឹងសមត្ថភាពដឹកនាំរបស់សមាជិកក្រុមប្រឹក្សាឃុំ សង្កាត់ជាស្រ្តី ក្នុងការផ្តល់សេវាសាធារណៈជូនប្រជាពលរដ្ឋ នៅសណ្ឋាគាររ៉ូយ៉ាល់អង្គររីសត ខេត្តសៀមរាប។

    វេទិកានេះរៀបចំដោយក្រុមសមាជិកាព្រឹទ្ធសភា ដោយមានការអញ្ជើញចូលរួមពីឯកឧត្តម លោកជំទាវ សមាជិក សមាជិកាព្រឹទ្ធសភា រដ្ឋសភា តំណាងក្រសួងផែនការ ក្រសួងមហាផ្ទៃ និងសម្ព័ន្ធភាពជាតិ ក្រុមប្រឹក្សាថ្នាក់មូលដ្ឋាន សមាជិកក្រុមប្រឹក្សាខេត្តសៀមរាប អភិបាលរងខេត្តសៀមរាបជាស្រ្តី និងប្រធានមន្ទីរកិច្ចការនារីជាស្រ្តី ថ្នាក់ដឹកនាំ និងមន្រ្តីរាជការ នៃអគ្គលេខាធិការដ្ឋានព្រឹទ្ធសភា សមាជិកាក្រុមប្រឹក្សាឃុំ សង្កាត់ នៃខេត្តសៀមរាប បាត់ដំបង បន្ទាយមានជ័យ ឧត្តមមានជ័យ និងខេត្តប៉ៃលិន សរុបចំនួន៣២៣នាក់។

    ក្នុងឱកាសនោះ លោកជំទាវ មាន សំអាន ប្រធានក្រុមសមាជិកាព្រឹទ្ធសភា បានធ្វើការបូកសរុប និងបិទអង្គវេទិកា ដោយបានវាយតម្លៃខ្ពស់ចំពោះអង្គវេទិកា ដែលបានឆ្លុះបញ្ចាំងពីការផ្តល់សេវារដ្ឋបាល ការអភិវឌ្ឍសេដ្ឋកិច្ចមូលដ្ឋាន ការងារសង្គមកិច្ច និងសុវត្ថិភាពសង្គម ស្របតាមប្រធានបទដែលបានដាក់ចុះនាថ្ងៃនេះ។ ការទទួលស្គាល់ភាពចាំបាច់ នៃការពង្រឹងសមត្ថភាពដឹកនាំរបស់សមាជិកក្រុមប្រឹក្សា ឃុំ សង្កាត់ជាស្ត្រី ជាមូលដ្ឋានគ្រឹះដ៏មានសារៈសំខាន់ សម្រាប់យកទៅអនុវត្តការងារឲ្យ កាន់តែមានប្រសិទ្ធិភាព ប្រក បដោយសីលធម៌ គុណធម៌ មនសិការវិជ្ជាជីវៈ តម្លាភាព គណនេយ្យភាព និងស័ក្ដិសិទ្ធិភាព ជូនប្រជាពលរដ្ឋនៅមូលដ្ឋាន។

    លោកជំទាវ មាន សំអាន បានសម្តែងនូវសេចក្តីរីករាយ ដែលបានសង្កេតឃើញថា អ្នកចូលរួមក្នុងអង្គវេទិកាមានទស្សនវិស័យដូចគ្នា និងមានជំហររួមគ្នាក្នុងការបន្តលើកកម្ពស់សមភាពយេនឌ័រ ការផ្តល់សិទ្ធិអំណាច និងការគាំទ្រដល់ស្ត្រី ដែលជាគុណតម្លៃសម្រាប់ការលើកកម្ពស់គុណភាពសេវាសាធារណៈ ក្នុងគោលបំណងបម្រើប្រជាពលរដ្ឋឲ្យកាន់តែល្អប្រសើរ ដើម្បីទទួលបានជំនឿជឿជាក់ ការចូលរួម និងគាំទ្រពីប្រជាពលរដ្ឋ។ អង្គវេទិកានាថ្ងៃនេះ បានរួមចំណែក លើកទឹកចិត្ត គាំទ្រ ជួយពង្រឹងសមត្ថភាព ដឹកនាំ ដើម្បីធ្វើជាមូលដ្ឋាន ក្នុងការជំរុញ និងចូលរួមឲ្យកាន់តែសកម្ម ស័ក្តិសម ជាអ្នកតំណាងរបស់ប្រជាពលរដ្ឋដែលបានបោះឆ្នោតគាំទ្រ៕

    ប្រភព៖នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តមកិត្តិសេដ្ឋាបណ្ឌិត ជា ជេដ្ឋ បានអញ្ជើញសំណេះសំណាលជាមួយក្រុមប្រឹក្សាសង្កាត់ នាយប៉ុស្តិ៍នគរបាល ស្មៀន និងមន្រ្តី នៃសង្កាត់អូរឬស្សីទី២
    thumbnail
     
    ឯកឧត្តម ទឹម ផន និងលោកជំទាវ ទេព្វ សំអូន ចូលរួមពិធីសំណេះសំណាលជាមួយភ្ញាក់ងារសង្កេតការបោះឆ្នោតគ្រប់បណ្តាស្រុក ក្រុងក្នុងខេត្តព្រៃវែង
    thumbnail
     
    គណៈកម្មការទី១ព្រឹទ្ធសភា និងក្រុមសមាជិកព្រឹទ្ធសភាប្រចាំភូមិភាគទី៨ រៀបចំពិធី អបអរសាទរខួបលើកទី៧៤ នៃទិវាកុមារអន្តរជាតិ ១មិថុនា
    thumbnail
     
    ឯកឧត្ដម ឈើយ ចាន់ណា បានអញ្ជើញជាអធិបតីក្នុងការប្រជុំជាមួយ លោក លោកស្រីក្រុមប្រឹក្សាស្រុក ឃុំ លោក លោកស្រី មេភូមិ ទូទាំងស្រុកស្វាយចេក ខេត្តបន្ទាយមានជ័យ
    thumbnail
     
    ក្រុមគណៈកម្មការទី៩ ព្រឹទ្ធសភា បានអញ្ជើញចូលរួមពិធីសំណេះសំណាលជាមួយមន្ត្រីរាជការ កងកម្លាំងប្រដាប់អាវុធ គ្រូបង្រៀន គ្រូពេទ្យ និវត្តជន អាចារ្យ គណៈកម្មការវត្ត និងអ្នកសង្កេតការណ៍ស.ស.យ.ក