khmer eng
  • ឯកឧត្តម ម៉ម ប៊ុននាង អញ្ជើញនាំយកអំណោយរបស់សម្តេចប្រធានព្រឹទ្ធសភា ប្រគល់ជូនរដ្ឋបាលខេត្តពោធិ៍សាត់ និងមន្ទីរពេទ្យបង្អែកខេត្ត
     
    ចែករំលែក ៖


    នារសៀលថ្ងៃទី១៨ ខែធ្នូ ឆ្នាំ២០២២ គណៈកម្មការអង្កេត បោសសម្អាត និងប្រឆាំងអំពើពុករលួយ នៃព្រឹទ្ធសភា (គណៈកម្មការទី១០) ដឹកនាំដោយឯកឧត្តម ម៉ម ប៊ុននាង ប្រធានគណៈកម្មការ អ្នកនាំពាក្យព្រឹទ្ធសភា និងជាតំណាងដ៏ខ្ពង់ខ្ពស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា និងលោកជំទាវ បានអញ្ជើញនាំយកអំណោយដ៏ថ្លៃថ្លារបស់សម្តេចវិបុលសេនាភក្តី ប្រធានព្រឹទ្ធសភា នៃព្រះរាជាណាចក្រកម្ពុជា និងលោកជំទាវ ប្រគល់ជូនដល់ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ ស្ថិតនៅសាលាខេត្តពោធិ៍សាត់ ដោយមានការអញ្ជើញចូលរួមពីសំណាក់ ឯកឧត្តម គង់ សារាជ ប្រធានក្រុមសមាជិកព្រឹទ្ធសភាប្រចាំភូមិភាគទី៧ ថ្នាក់ដឹកនាំមន្ទីរសុខាភិបាលខេត្ត ក្រុមគ្រូពេទ្យមន្ទីរពេទ្យបង្អែកខេត្ត និងក្រុមយុវជនស្រលាញ់សន្តិភាព។
    អំណោយដែលនាំយកទៅប្រគល់ជូនដល់រដ្ឋបាលខេត្ត និងមន្ទីរពេទ្យបង្អែកខេត្ត នាពេលនោះរួមមាន៖
    ១-ថ្នាំពេទ្យចំនួន ១៤មុខ ស្មើនឹង១៩០កេស
    ២-សម្លៀកបំពាក់ចំនួន ២៩កេស
    ៣-មួកចំនួន ០២កេស
    ៤-ម៉ាស់ចំនួន ០៨កេស
    ៥-កាបូបចំនួន ០១កេស
    សរុបចំនួន ២៣០កេស ដែលគិតជាទឹកប្រាក់សរុបចំនួន ៣០៦,៦៥២ដុល្លារអាមេរិក។
    ឧបត្ថម្ភដល់មន្ទីរពេទ្យបង្អែកស្រុកក្រវ៉ាញ ខេត្តពោធិ៍សាត់ ថ្នាំពេទ្យចំនួន ០៨មុខ ស្មើនឹង៦០កេស ដែលគិតជាទឹកប្រាក់សរុប ៨១,០០០ដុល្លារអាមេរិក។
    អំណោយដ៏ថ្លៃថ្លាខាងលើនេះ គឺជាសមិទ្ធផលនៃកិច្ចសហប្រតិបត្តិការផ្នែកមនុស្សធម៌ រវាងព្រឹទ្ធសភានៃព្រះរាជាណាចក្រកម្ពុជា ជាមួយអង្គការចែករំលែកសង្គ្រោះជីវិតសកល នៃសាធារណរដ្ឋកូរ៉េ (Global Life Sharing) ដែលផ្តោតសំខាន់លើការលើកកម្ពស់សុខុមាលភាព និងគុណភាពជីវិតរបស់ប្រជាពលរដ្ឋ ។
    ក្នុងឱកាសនោះ ឯកឧត្តម ម៉ម ប៊ុននាង បានពាំនាំនូវការផ្តាំផ្ញើ សាកសួរសុខទុក្ខ និងសេចក្តីនឹករលឹកយ៉ាងជ្រាលជ្រៅពីសំណាក់សម្តេចវិបុលសេនាភ្តី សាយ ឈុំ ប្រធានព្រឹទ្ធសភា និងលោកជំទាវ ព្រមទាំងថ្នាក់ដឹកនាំព្រឹទ្ធសភា ជូនចំពោះថ្នាក់ដឹកនាំខេត្ត អាជ្ញាធរមូលដ្ឋាន និងប្រជាពលរដ្ឋទូទាំងខេត្តពោធិ៍សាត់។
    ឯកឧត្តម ខូយ រីដា អភិបាលខេត្ត បានថ្លែងអំណរគុណយ៉ាងជ្រាលជ្រៅជូនចំពោះសម្តេចប្រធានព្រឹទ្ធសភា និងលោកជំទាវ ដែលបានផ្តល់នូវអំណោយដ៏ថ្លៃថ្លាដល់ប្រជាពលរដ្ឋខេត្តពោធិ៍សាត់អំណោយទាំងអស់នេះ ពិតជាបានជួយសម្រាលបន្ទុកដល់រដ្ឋបាលខេត្ត ព្រមទាំងមន្ទីរពេទ្យបង្អែកខេត្ត ជាពិសេសបានជួយដល់អ្នកជំងឺ និងជនងាយរងគ្រោះយ៉ាងពិតប្រាកដ៕

    ប្រភព៖ នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    សម្តេចវិបុលសេនាភក្តី សាយ ឈុំ អញ្ជេីញគោរពវិញ្ញាណក្ខន្ធសពប្អូនបង្កើតសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
    thumbnail
     
    សារលិខិតរំលែកទុក្ខរបស់ក្រុមសមាជិកាព្រឹទ្ធសភា ជូនឯកឧត្តម តាន់ បញ្ញាវុធ និងក្រុមគ្រួសារ ចំពោះមរណភាពលោកជំទាវ ប៊ុន សុថា ហៅ ប៊ុន សាមហ៊ឹង ត្រូវជាភរិយា និងជាប្អូនស្រីរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន
    thumbnail
     
    ឯកឧត្តម អ៊ឹង លាងហ៊ួ ជាសមាជិកក្រុមសមាជិកព្រឹទ្អសភា ប្រចាំភូមិភាគទី៧ បានអញ្ជើញចូលរួមជាកិត្តិយសក្នុងពិធីសម្ពោធដាក់ឲ្យប្រើប្រាស់ជាផ្លូវការនូវសម្ភារផ្នែកលាងឈាមនៃមន្ទីរពេទ្យបង្អែកខេត្តកំពង់ឆ្នាំង
    thumbnail
     
    សារលិខិតរំលែកទុក្ខរបស់គណៈកម្មការទី១០ព្រឹទ្ធសភា ជូនឯកឧត្តម តាន់ បញ្ញាវុធ និងក្រុមគ្រួសារ ចំពោះមរណភាពលោកជំទាវ ប៊ុន សុថា ហៅ ប៊ុន សាមហ៊ឹង ត្រូវជាភរិយា និងជាប្អូនស្រីរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន
    thumbnail
     
    សារលិខិតរំលែកទុក្ខរបស់គណៈកម្មការទី៦ព្រឹទ្ធសភា ជូនឯកឧត្តម តាន់ បញ្ញាវុធ និងក្រុមគ្រួសារ ចំពោះមរណភាពលោកជំទាវ ប៊ុន សុថា ហៅ ប៊ុន សាមហ៊ឹង ត្រូវជាភរិយា និងជាប្អូនស្រីរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន