khmer eng
  • គណៈប្រតិភូក្រុមមិត្តភាពសភាកម្ពុជាជាមួយរដ្ឋសភាវៀតណាម ចូលរួមសិក្ខាសាលាផ្លាស់ប្តូរបទពិសោធន៍ការងាររវាងសភាកម្ពុជា និងរដ្ឋសភាវៀតណាម
     
    ចែករំលែក ៖


    នាព្រឹកថ្ងៃទី២៥ ខែធ្នូ ឆ្នាំ២០២២ គណៈប្រតិភូក្រុមមិត្តភាពសភានៃព្រះរាជាណាចក្រកម្ពុជាជាមួយរដ្ឋសភានៃសាធារណរដ្ឋសង្គមនិយមវៀតណាម ដឹកនាំដោយលោកជំទាវ មាន សំអាន ប្រធានក្រុមមិត្តភាពព្រឹទ្ធសភាកម្ពុជាជាមួយរដ្ឋសភាវៀតណាម និងជាប្រធានគណៈកម្មការទី៨ព្រឹទ្ធសភា និងលោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទសភា និងអធិការកិច្ច និងជាប្រធានមិត្តភាពរដ្ឋសភាកម្ពុជា-វៀតណាម បានអញ្ជើញជាចូលរួមសិក្ខាសាលាផ្លាស់ប្តូរ បទពិសោធន៍ការងាររវាសភាកម្ពុជា និងរដ្ឋសភាវៀតណាម
    ស្តីពីការចែករំលែកតួនាទីសមាជិកសភានៃប្រទេសទាំងពីរ ក្នុងការស្តារ និងអភិវឌ្ឍន៍សង្គម សេដ្ឋកិច្ចឡើងវិញ ព្រមទាំងកិច្ចសហប្រតិបត្តិការរវាងព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាម ក្នុងការអភិវឌ្ឍន៍សេដ្ឋកិច្ច វប្បធម៌ ទេសចរណ៍ កិច្ចសហប្រតិបត្តិការថ្នាក់អនុតំបន់មេគង្គ សភាអេឡិចត្រូនិច នៅសណ្ឋាគារ NAIOD ទីក្រុងដាណាង ខេត្តក្វាងណាម ប្រទេសវៀតណាម។
    អង្គសិក្ខាដំណើរការតាមកម្មវិធី ដោយមានការឡើងថ្លែងសុន្ទរកថាបើកដោយ ឯកឧត្តម ង្វៀន ឌឹកហាយ អនុប្រធានរដ្ឋសភាវៀតណាម និងជាប្រធានក្រុមមិត្តភាពរដ្ឋសភាវៀតណាម-កម្ពុជា និងលោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទសភា និងអធិការកិច្ច និងជាប្រធានក្រុមមិត្តភាពរដ្ឋសភាកម្ពុជា-វៀតណាម។
    ជាមួយគ្នានេះ ក៏មានការឡើងធ្វើបទអន្តរាគមន៍លើប្រធានបទសំខាន់ៗ ពាក់ព័ន្ធនឹង៖
    ១-អន្តរាគមន៍របស់គណៈកម្មការ សេដ្ឋកិច្ច ពីភាគីវៀតណាម ស្តីពីតួនាទីរបស់់រដ្ឋសភាក្នុងការស្តារឡើងវិញនៃការអភិវឌ្ឍសេដ្ឋកិច្ច-សង្គម ។
    ២-អន្តរាគមន៍របស់គណៈកម្មការវប្បធម៌ និងអប់រំ រដ្ឋសភាវៀតណាម ស្តីអំពីកិច្ចសហប្រតិបត្តិការរវាងសាធារណរដ្ឋសង្គមនិយមវៀតណាម និងព្រះរាជាណាចក្រកម្ពុជាលើការអភិវឌ្ឍវិស័យវប្បធម៌ ទេសចរណ៍ និងតួនាទីរបស់ស្ថាប័ននីតិប្បញ្ញត្តិ។
    ៣-បទអន្តរាគមន៍របស់គណៈប្រតិភូកម្ពុជាស្តីអំពីកិច្ចសហប្រតិបត្តិការ ទន្លេមេគង្គ ការការពារ និងគ្រប់គ្រង គ្រោះមហន្តរាយធម្មជាតិ ការឆ្លើយតប និងការប្រែប្រួលអាកាសធាតុ។
    ៤-បទអន្តរាគមន៍របស់គណៈកម្មការ វិទ្យាសាស្ត្រ បច្ចេកវិទ្យា និងបរិស្ថានរដ្ឋសភាវៀតណាម ស្តីអំពីកិច្ចសហប្រតិបត្តិការទន្លេមេគង្គ ការការពារ និងគ្រប់គ្រងគ្រោះមហន្តរាយធម្មជាតិ ការឆ្លើយតប នឹងការប្រែប្រួលអាកាសធាតុ។
    ៥-បទអន្តរាគមន៍របស់គណៈកម្មការកិច្ចការបរទេសស្តីអំពីពង្រឹងកិច្ចសហប្រតិបត្តិការរវាងស្ថាប័ននីតិប្បញ្ញត្តិ និងក្រុមមិត្តភាពសភាវៀតណាម-កម្ពុជាក្នុងបរិបទបច្ចប្បន្ន។
    ៦- បទអន្តរាគមន៍របស់គណៈប្រតិភូកម្ពុជា ស្តីពី ទិសដៅ និងយន្តការពង្រឹង កិច្ចសហប្រតិបត្តិការរវាងស្ថាប័ននីតិប្បញ្ញត្តិ នៃប្រទេសទាំងពីរនិយាយជារួម និងរវាងក្រុមសមាជិកមិត្តភាពសភា នៃប្រទេសទាំងពីរនិយាយដោយ ឡែកក្នុងការរួមចំណែកជំរុញកិច្ចសហប្រតិបត្តិការរវាងវៀតណាម-កម្ពុជា កាន់តែស៊ីជម្រៅ ជាក់ស្តែង និងមានប្រសិទ្ធភាពលើវិស័យផ្សេងៗ ក្នុងបរិបទនៃការអភិវឌ្ឍដ៏ស្មុគស្មាញនៅក្នុងពិភពលោក និងក្នុងតំបន់។
    ៧-បទអន្តរាគមន៍របស់គណៈកម្មការការពារជាតិ និងសន្តិសុខរដ្ឋសភាវៀតណាម ស្តីពីតួនាទីរបស់គណៈកម្មការការពារជាតិ និងសន្តិសុខរបស់រដ្ឋសភានៃប្រទេសទាំងពីរក្នុងកិច្ចសហប្រតិបត្តិការថែរក្សា សន្តិសុខសណ្តាប់ធ្នាប់ នៅតាមតំបន់ជាប់ព្រំដែន
    វៀតណាម-កម្ពុជា។
    ៨-បទអន្តរាគមន៍របស់គណៈប្រតិភូកម្ពុជាស្តីពីកិច្ចសហប្រតិបត្តិការថែរក្សាសន្តិសុខសណ្តាប់ធ្នាប់នៅតាមតំបន់ព្រំដែន។
    ប្រភព៖ នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានអញ្ជើញជាអធិបតីភាព ក្នុងកិច្ចប្រជុំបូកសរុបលទ្ធផលការងាររបស់ អគ្គលេខាធិការដ្ឋានព្រឹទ្ធសភាប្រចាំខែកុម្ភៈ និងកំណត់ទិសដៅការងារប្រចាំខែមីនា ឆ្នាំ២០២៤ 
    thumbnail
     
    ឯកឧត្តម ឡៅ ឆន បានរៀបចំចង្ហាន់ បង្អែម ភេសជ្ជៈ និងថវិកាមួយចំនួន ធ្វើសង្ឃទាន និងវេរប្រគេនព្រះសង្ឃចំនួន២វត្ត ស្ថិតនៅក្រុងសៀមរាប ខេត្តសៀមរាប
    thumbnail
     
    ឯកឧត្តមកិត្តិនីតិកោសលបណ្ឌិត ស៊ឹម កា ដឹកនាំគណៈប្រតិភូព្រឹទ្ធសភា អញ្ជើញគោរពវិញ្ញាណក្ខន្ធព្រះសពសម្ដេចព្រះអគ្គមហាសង្ឃរាជាធិបតីកិត្តិឧទ្ទេសបណ្ឌិត ទេព វង្ស
    thumbnail
     
    សម្តេចវិបុលសេនាភក្តី សាយ ឈុំ ប្រមុខរដ្ឋស្តីទី នៃព្រះរាជាណាចក្រកម្ពុជា បានអញ្ជើញដាក់កម្រងផ្កាគោរពវិញ្ញាណក្ខន្ធព្រះសពសម្តេចព្រះអគ្គមហាសង្ឃរាជាធិបតីកិត្តិឧទ្ទេសបណ្ឌិត ទេព វង្ស សម្ដេចព្រះមហាសង្ឃរាជនៃព្រះរាជាណាចក្រកម្ពុជា
    thumbnail
     
    ឯកឧត្តម យ៉ង់ សែម បានអញ្ជើញដឹកនាំកិច្ចប្រជុំត្រៀមលក្ខណៈសម្រាប់ការចូលរួមមហាសន្និបាតសហភាពអន្តរសភាលើក១៤៨ (IPU-148) នៅទីក្រុងហ្សឺណែល ប្រទេសស្វីស