khmer eng
  • ក្រុមសមាជិកព្រឹទ្ធសភាប្រចាំភូមិភាគទី២ សំណេះសំណាលជាមួយអាជ្ញាធរ នៃឃុំចំនួន០៤ ក្នុងស្រុកមេមត់
     
    ចែករំលែក ៖

    នាព្រឹកថ្ងៃទី០៨ ខែកុម្ភៈ ឆ្នាំ២០២៣ នៅសាលាឃុំមេមត់ ក្រុមសមាជិកព្រឹទ្ធសភាប្រចាំភូមិភាគទី២ ដឹកនាំដោយឯកឧត្តម អ៊ុក ប៊ុនឈឿន ប្រធានក្រុម បានអញ្ជើញចុះជួបសំណេះសំណាលជាមួយនឹងអាជ្ញាធរនៃឃុំចំនួន០៤ឃុំ គឺឃុំដារ ឃុំមេមត់ ឃុំគគីរ និងឃុំទ្រៀក ស្ថិតក្នុងស្រុកមេមត់ ខេត្តត្បូងឃ្មុំ ក្នុងគោលបំណងស្វែងយល់អំពីការអនុវត្តគោលនយោបាយវិមជ្ឈការ វិសហមជ្ឈការនៅថ្នាក់មូលដ្ឋាន ការអនុវត្តគោលនយោបាយភូមិ ឃុំមានសុវត្ថិភាព និងការបម្រើសេវារដ្ឋបាលសាធារណៈជូនប្រជាពលរដ្ឋ ព្រមទាំងស្តាប់នូវបញ្ហាប្រឈម សំណូមពរដែលអាជ្ញារនៃឃុំទាំង០៤បានជួបប្រទះចំពោះការអនុវត្តការងារនាពេលកន្លងមក។
    អញ្ជើញចូលរួមក្នុងពិធីសំណេះសំណាលនេះរួមមាន៖ លោក កាន់ គន់លី សមាជិកក្រុមប្រឹក្សាខេត្ត និងជាប្រធានសមាគមក្រុមប្រឹក្សាក្រុង-ស្រុក លោក ស្រេង លី អភិបាលនៃគណៈអភិបាលស្រុកមេមត់ ក្រុមប្រឹក្សាឃុំ និងមេឃុំ រដ្ឋបាលឃុំ និងនាយប៉ុស្តិ៍នគរបាលនៃឃុំទាំង០៤ ព្រមទាំងមន្រ្តីរាជការនៃអគ្គលេខាធិការដ្ឋានព្រឹទ្ធសភាអមដំណើរក្រុមសមាជិកព្រឹទ្ធសភាប្រចាំភូមិភាគទី២សរុបចំនួន៤២នាក់។
    ក្នុងឱកាសនោះដែរ បន្ទាប់ពីបានស្តាប់នូវសេចក្តីរាយការណ៍ដែលលើកឡើងដោយអាជ្ញាធរនៃឃុំទាំង០៤ពាក់ព័ន្ធនឹងការអនុវត្តគោលនយោបាយវិមជ្ឈការ វិសហមជ្ឈការនៅថ្នាក់មូលដ្ឋាន ការអនុវត្តគោលនយោបាយភូមិ ឃុំមានសុវត្ថិភាព និងការបម្រើសេវារដ្ឋបាលសាធារណៈជូនប្រជាពលរដ្ឋ ព្រមទាំងបញ្ហាប្រឈម សំណូមពររួចមក ក្រុមសមាជិកព្រឹទ្ធសភាប្រចាំភូមិភាគទី២ ក៏បានផ្តល់នូវអនុសាសន៍មួយចំនួនដែលជាគន្លឹះក៏ដូចជាចំណេះដឹង និងបទពិសោធន៍សម្រាប់អាជ្ញាធរនៃឃុំទាំង០៤យកទៅអនុវត្ត ក្នុងន័យបង្កលក្ខណៈឲ្យកាន់តែប្រសើរឡើងនូវការអនុវត្តការងារជាក់ស្តែង។
    ឯកឧត្តម ប្រធានក្រុម ក៏បានអំពាវនាវអោយក្រុមប្រឹក្សាឃុំ និងអាជ្ញាធរទាំងអស់ ត្រូវសហការផ្ទៃក្នុង ដេីម្បីចូលរួមអនុវត្តតួនាទីភារកិច្ចបស់ខ្លួនអោយកាន់តែប្រសេីរថែមទៀត។
    ក្នុងបរិយាកាសដ៏ប្រសើរនេះ ក្រុមសមាជិកព្រឹទ្ធសភាប្រចាំភូមិភាគទី២ ក៏បាននាំយកនូវឧបករណ៍តេសត្តរហ័សជំងឺកូវិដ-19 ផ្តល់ជូនដល់អាជ្ញាធរនៃឃុំទាំង០៤ ដោយក្នុងមួយឃុំៗទទួលបានចំនួន១៤ប្រអប់៕

    ប្រភព៖នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម ខៀវ មុត ដឹកនាំកិច្ចប្រជុំក្រុមសមាជិកព្រឹទ្ធសភាប្រចាំភូមិភាគទី៥
    thumbnail
     
    សមាជិកគណៈកម្មការ ព្រឹទ្ធសភា បានអញ្ជើញចូលរួមក្នុងសន្និសីទថ្នាក់ជាតិស្តីអំពី គោលនយោបាយគ្រឿងស្រវឹងនៅកម្ពុជា
    thumbnail
     
    ឯកឧត្តម អ៊ុច បូររិទ្ធ អនុញ្ញាតឱ្យឯកអគ្គរដ្ឋទូតសាធារណរដ្ឋឆែកប្រចាំកម្ពុជា ចូលជួបសម្តែងការគួរសម និងពិភាក្សាការងារ
    thumbnail
     
    ឯកឧត្តម ងី ច័ន្រ្ទផល ដឹកនាំកិច្ចប្រជុំផ្ទៃក្នុងគណៈកម្មការទី១ព្រឹទ្ធសភា
    thumbnail
     
    ឯកឧត្តម ប្រាក់ សុខុន អនុញ្ញាតឱ្យឯកអគ្គរដ្ឋទូតសាធារណរដ្ឋឆែកប្រចាំកម្ពុជា ចូលជួបសម្តែងការគួរសម និងពិភាក្សាការងារ