នារសៀលថ្ងៃទី០៨ ខែកុម្ភៈ ឆ្នាំ២០២៣ គណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្មនៃព្រឹទ្ធសភា (គណៈកម្មការទី២) ដឹកនាំដោយឯកឧត្តមកិត្តិសេដ្ឋាបណ្ឌិត ជា ជេដ្ឋ ប្រធានគណៈកម្មការ បានអញ្ជើញជួបពិភាក្សាការងារជាមួយអាជ្ញាធរស្រុកកោះអណ្តែត ដើម្បីឈ្វេងយល់អំពី ការអភិវឌ្ឍមូលដ្ឋាន និងការបម្រើសេវាជូនប្រជាពលរដ្ឋ ប្រកបដោយប្រសិទ្ធភាព ធានាបានសុខសន្តិភាព នៅសាលាស្រុកកោះអណ្តែត ខេត្តតាកែវ។
ជំនួបនារសៀលនេះ មានការអញ្ជើញចូលរួមពីលោក គិន ភក្តី អភិបាល នៃគណៈអភិបាលស្រុកកោះអណ្តែត លោក នាង ស៊ន ប្រធានក្រុមប្រឹក្សាស្រុក នាយករដ្ឋបាលស្រុក អធិការនគរបាលស្រុក បញ្ជាការពារកងរាជអាវុធហត្ថស្រុកទាំងបី សមាជិក សមាជិកាក្រុមប្រឹក្សាឃុំ ស្មៀនឃុំ នាយប៉ុស្តិ៍នគរបាលឃុំ និងប្រធានបណ្ឌលសុខភាពទាំង៦(ឃុំព្រៃខ្លា) សរុបចំនួន ៨០នាក់។ គោលបំណងនៃជំនួបពិភាក្សានេះ ដើម្បីឈ្វេងយល់កាន់តែស៊ីជម្រៅបន្ថែមទៀតលើ៖
១.ការអនុវត្តគោលនយោបាយកំណែទម្រង់វិមជ្ឈការ និងវិសហមជ្ឈការ ការអនុវត្តលទ្ធិប្រជាធិបតេយ្យនៅថ្នាក់ក្រោមជាតិ។
២.ដោយផ្តោតសំខាន់លើការអភិវឌ្ឍមូលដ្ឋានថ្នាក់ក្រោមជាតិ ការអនុវត្តថវិកាថ្នាក់ក្រោមជាតិ (ទទួល-ទូទាត់) និងបញ្ហាប្រឈម។
៣.ការអនុវត្តផែនការសកម្មភាពរបស់ក្រុមប្រឹក្សាឃុំ អាណត្តិ៥ (ឆាំ្នទី១)។
៤.ការអនុវត្តកម្មវិធីអភិវឌ្ឍន៍ស្របតាមតាមសេចក្តីសម្រេចរបស់គណៈកម្មាធិការជាតិអភិវឌ្ឍន៍តាមបែបប្រជាធិបតេយ្យ (គ.ជ.អ.ប) តាមដំណាក់កាលថ្មី នៃការអភិវឌ្ឍមូលដ្ឋានឃុំ ឆ្នាំ២០២២-២០២៣។
៥.ការបន្តអនុវត្តគោលនយោបាយភូមិ ឃុំ មានសុវត្ថិភាព និងការផ្តល់សេវាសាធារណៈជូនប្រជាពលរដ្ឋនៅមូលដ្ឋាន…៕
ប្រភព៖ នាយកដ្ឋានព័ត៌មាន
