នាសៀលថ្ងៃពុធ ទី២២ កុម្ភៈ ២០២៣ ស្ថិតនៅសាលប្រជុំសមាគមខ្មែរ ចិន ខេត្តបន្ទាយមានជ័យ ឯកឧត្តម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ និងជាឧត្តមប្រឹក្សា នៃសមាគមខ្មែរ ចិន ខេត្តបន្ទាយមានជ័យ បានអញ្ជើញចូលរួមកិច្ចប្រជុំ ស្តីពីគម្រោងអភិវឌ្ឍន៍កម្មវិធីសិក្សា។ បន្ទាប់ពីបានពិនិត្យ និងពិភាក្សាគ្នាយ៉ាងផុលផុសរួចមក ជាលទ្ធផលអង្គប្រជុំបានសម្រេចជាឯកច្ឆ័នលើការអភិវឌ្ឍន៍កម្មវិធីសិក្សាបីភាសា (ខ្មែរ-ចិន-អង់គ្លេស) តាមកម្មវិធីចំណេះទូទៅរបស់ក្រសួងអប់រំ យុវជន និងកីឡា ដែលនឹងបញ្ចូលកម្មវិធីសិក្សានេះនាពេលឆាប់ៗខាងមុខនេះ។ កិច្ចប្រជុំខាងលើមានការចូលរួមពីឯកឧត្តម អេង ប៊ុនឆាយ សមាជិកក្រុមប្រឹក្សាខេត្ត និងជាឧត្តមប្រឹក្សា នៃសមាគមខ្មែរ ចិនខេត្ត លោក ខែម សុវណ្ណ អតីតប្រធានការិយាល័យចំណេះទូទៅបឋមសិក្សា នៃមន្ទីរអប់រំ យុវជន និងកីឡាខេត្ត លោក ឆាន់ ប៊ុនម៉ាន់ ប្រធានសមាគមខ្មែរ ចិន ខេត្តបន្ទាយមានជ័យ ព្រមទាំងលោក លោកស្រី ជាអនុប្រធាន សមាជិកសមាគម លោកគ្រូ អ្នកគ្រូ នៃសាលារៀនផី ឆឹងផងដែរ។
