នាវេលាម៉ោង១២ថ្ងៃត្រង់ ថ្ងៃទី០២ ខែកុម្ភៈ ឆ្នាំ២០២៣ ឯកឧត្តមកិត្តិសេដ្ឋាបណ្ឌិត ជា ជេដ្ឋ ប្រធានក្រុមសមាជិកព្រឹទ្ធសភាប្រចាំភូមិភាគទី១ បានអញ្ជើញជាអធិបតីភាព ក្នុងពិធីបិទអង្គវេទិកាស្តីពី ការអភិវឌ្ឍមូលដ្ឋាន និងបម្រើសេវាជូនប្រជាជនប្រកបដោយប្រសិទ្ធភាព ធានាបានសុខសន្តិភាព នៅមជ្ឈមណ្ឌលម៉ូឌែន៥ ខណ្ឌឬស្សីកែវ រាជធានីភ្នំពេញ។
មានប្រសាសន៍បិទអង្គវេទិកានាឱកាសនោះ ឯកឧត្តមកិត្តិសេដ្ឋាបណ្ឌិត ជា ជេដ្ឋ ប្រធានក្រុមសមាជិកព្រឹទ្ធសភាប្រចាំភូមិភាគទី១ បានវាយតម្លៃខ្ពស់ចំពោះការចូលរួមយ៉ាងផុសផុលពីសំណាក់ក្រុមប្រឹក្សាសង្កាត់ និងអាជ្ញាធរពាក់ព័ន្ធទាំង៩ខណ្ឌ ដែលបានលើកឡើងនូវបញ្ហាប្រឈម ព្រមទាំងមានការចូលរួមស្រាយបំភ្លឺពីសំណាក់វាគ្មិនដែលអញ្ជើញមកពីតំណាងក្រសួង និងអង្គភាពពាក់ព័ន្ធនានា ដែលបានញ៉ាំងឲ្យអង្គសិក្ខាសាលាទាំងមូលទ ទួល បាននូវ លទ្ធផលជាផ្លៃផ្កាគួរជាទីមោទនៈ។
ឯកឧត្តមកិត្តិសេដ្ឋាបណ្ឌិត បានគូសបញ្ជាក់ថា អង្គវេទិកាពេញមួយព្រឹកនេះ នឹងបង្កើននូវបទពិសោធន៍ និងចំណេះដឹងបន្ថែមទៀត សម្រាប់ក្រុមប្រឹក្សាសង្កាត់ យកទៅធ្វើជាដើមទុន ក្នុងការអនុវត្តការងារជាក់ស្តែង ព្រមទាំងការអនុវត្តនូវ កម្មវិធី អភិវឌ្ឍន៍ស្របទៅតាមសេចក្តីសម្រេចរបស់គណៈកម្មាធិការជាតិអភិវឌ្ឍន៍តាមបែបប្រជាធិបតេយ្យ (គ.ជ.អ.ប) តាមដំណាក់កាលថ្មី នៃការអនុវត្តមូលដ្ឋានសង្កាត់ឆ្នាំ២០២២-២០២៣ កាន់តែមានប្រសិទ្ធភាពថែមទៀត៕
ប្រភព៖ នាយកដ្ឋានព័ត៌មាន
