នៅថ្ងៃសុក្រ ១២កើត ខែផល្គុន ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ០៣ ខែមីនា ឆ្នាំ ២០២៣ ឯកឧត្តមកិត្តិនីតិកោសលបណ្ឌិតស៊ឹម កា ប្រធានស្តីទីព្រឹទ្ធសភា និងលោកជំទាវ បានអញ្ជើញចុះពិនិត្យវឌ្ឍភាពនៃការកសាងអគារសិក្សាថ្មី ០១ ខ្នង នៅសាលាបឋមសិក្សាទេពនិម្មិត ដែលស្ថិតក្នុងឃុំក្របៅ ស្រុកកំចាយមារ ខេត្តព្រៃវែង និងបានអញ្ជើញនាំយកនូវទេយ្យវត្ថុ គ្រឿងឧបភោគបរិភោគមួយចំនួន រួមនឹងបច្ច័យ ប្រគេនដល់ព្រះសង្ឃនៅវត្តទេពនិមិ្មត អញ្ជាញ ព្រមទាំងវត្តពង្ររង្សីហៅវត្តជ្រៃម្រាក់ ស្ថិតក្នុងឃុំគោកគង់កើត ស្រុកកញ្រ្ចៀច ខេត្តព្រៃវែង ។ នារសៀលថ្ងៃដដែល ឯកឧត្តមកិត្តិនីតិកោសលបណ្ឌិត និងលោកជំទាវ បានបន្តដំណើរអញ្ជើញចូលរួមពិធីស្រោចស្រពសុគន្ធវារីឡើងគេហដ្ឋាននៅភូមិគ្រឹះសម្តេចអគ្គមហាពញាចក្រីហេង សំរិន នៅភូមិអន្លង់ជ្រៃ ឃុំ កក់ ស្រុកពញាក្រែក ខេត្តត្បូងឃ្មុំ ផងដែរ ៕
