នាព្រឹកថ្ងៃទី០៣ ខែមីនា ឆ្នាំ២០២៣ លោកជំទាវ ឃួន ឃុនឌី សមាជិកាគណៈកម្មការទី៥ ព្រឹទ្ធសភា និងជាសមាជិកាព្រឹទ្ធសភាប្រចាំភូមិភាគទី៨ អមដំណើរដោយក្រុមការងាររួមមានលោកមេឃុំ សមាជិកក្រុមប្រឹក្សាឃុំ លោកមេភូមិ អនុភូមិ និងលោកមេប៉ុស្តិ៍ បានអញ្ជើញចុះជួបសំណេះសំណាលជាមួយលោកគ្រូ អ្នកគ្រូសាលាបឋមសិក្សាខ្សាច់ជីរស។ ក្នុងឱកាសជួបសំណេះសំណាលនោះលោកជំទាវបានចែកអំណោយដល់សិស្សានុសិស្សចំនួន២៥០នាក់ ដោយសិស្សម្នាក់ៗទទួលបាននំបុ័ងផ្អែម១ដើម ទឹកបរិសុទ្ធ១ដប កាតាបយួរ១ សៀវភៅចំនួន២ក្បាល ប៊ិកចំនួន២ដើម និងថវិកាចំនួន៥.០០០រៀល។ ចំណែកលោកគ្រូ អ្នកគ្រូចំនួន១៧នាក់ ក្នុងម្នាក់ៗទទួលបានក្រមា១ និងថវិកា៤០.០០០រៀល ស្ថិតនៅសាលាបឋមសិក្សាខ្សាច់ជីរស ឃុំកំពង់គោ ស្រុកកំពង់ស្វាយ ខេត្តកំពង់ធំ។
