នាព្រឹកថ្ងៃទី០៧ ខែមីនា ឆ្នាំ២០២៣ ឯកឧត្តមកិត្តិសង្គហបណ្ឌិត ទេព ងន អនុប្រធានទី២ព្រឹទ្ធសភា អមដំណើរដោយឯកឧត្តម ប្រាក់ ចំរើន អនុប្រធានគណៈកម្មការទី៨ព្រឹទ្ធសភា និងថ្នាក់ដឹកនាំនៃអគ្គលេខាធិការដ្ឋានព្រឹទ្ធសភា ព្រមទាំងអាជ្ញាធរខេត្តពោធិ៍សាត់ បានអញ្ជើញចុះពិនិត្យមើលការកសាងព្រះវិហារថ្មី នៅវត្តលុម្ពិនីសាលវ៍ននារាម (ហៅវត្តអូរសោម) ស្ថិតនៅស្រុកវាលវែង ខេត្តពោធិ៍សាត់។
សូមរំលឹកថា ព្រះវិហារថ្មី នៅវត្តលុម្ពិនីសាលវ៍ននារាម (ហៅវត្តអូរសោម) ចាប់ផ្តើមកសាងកាលពីថ្ងៃទី៣០ ខែឧសភា ឆ្នាំ២០២២ ដែលគ្រោងនឹងបញ្ចប់នៅចុងខែមីនា ឆ្នាំ២០២៣ខាងមុខនេះ ហើយនឹងប្រារព្ធពិធីកាត់ឫសសីមា ក្រោមអធិបតីភាព សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា៕
ប្រភព៖ នាយកដ្ឋានព័ត៌មាន
