khmer eng
  • ក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញចុះជួបសំណេះសំណាលសួរសុខទុក្ខថ្នាក់ដឹកនាំរដ្ឋបាលស្រុកឈូក នៅក្នុងសាលប្រជុំសាលាស្រុកឈូក ខេត្តកំពត
     
    ចែករំលែក ៖

    ព្រឹកថ្ងៃទី០៩ ខែមិនា ឆ្នាំ២០២៣ ឯកឧត្តម ទេព យុទ្ធី សមាជិកគណៈកម្មការទី៨ លេខាធិការក្រុមសមាជិកព្រឹទ្ធសភាប្រចាំភូមិភាគទី៥ , លោកជំទាវ កង សៅរ៍ធន លេខាធិការគណៈកម្មការទី៣ សមាជិកាក្រុមសមាជិកព្រឹទ្ធសភាប្រចាំភូមិភាគទី៥ , ឯកឧត្តម លី សារី សមាជិកគណៈកម្មការទី៣ សមាជិកក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញចុះជួបសំណេះសំណាលសួរសុខទុក្ខថ្នាក់ដឹកនាំរដ្ឋបាលស្រុកឈូក និង មន្ត្រី បុគ្គលិកសុខាភិបាលនៃស្រុកប្រតិបត្តិឈូក មន្ទីរពេទ្យបង្អែកចំនួន២កន្លែង មណ្ឌលសុខភាពទាំង១៣ និង ក្រុមប្រឹក្សាឃុំចំនួន១៥ឃុំ ដែលមានសមាសភាពចូលរួមចំនួន៣៥នាក់ នៅក្នុងសាលប្រជុំសាលាស្រុកឈូក ខេត្តកំពត។ ក្នុងពិធីសំណេះសំណាល បន្ទាប់ពីលោក នាក់ សុវណ្ណារី អភិបាលនៃគណៈអភិបាលស្រុកឈូក មានមតិស្វាគមន៍ និង រាយការណ៍អំពីវឌ្ឍនភាព សមិទ្ធិផលដែលស្រុក និង ឃុំសម្រេចបានរយៈពេលកន្លងមក ឯកឧត្តម ទេព យុទ្ធី បានពាំនាំប្រសាសន៍ផ្ដាំផ្ញើសួរសុខទុក្ខរបស់សម្ដេចវិបុលសេនាភក្ដីប្រធានព្រឹទ្ធសភា និង បានជម្រាបជូនអំពីតួនាទី ភារកិច្ច និង មុខងាររបស់ព្រឹទ្ធសភា ព្រមទាំងបានសំណូមពរអាជ្ញាធរស្រុក ឃុំ អង្គភាពពាក់ព័ន្ធនានាចំណុះរដ្ឋបាលស្រុក យកចិត្តទុកដាក់លើកកម្ពស់ការទទួលខុសត្រូវដោះស្រាយតម្រូវការជាអាទិភាពចាំបាច់របស់ប្រជាជនលើ៣ចំណុចរួមមាន ៖ ទី១ តម្រូវការសន្តិភាព សន្តិសុខ សុវត្តិភាព ទី២ តម្រូវការផ្នែកជីវភាពឲ្យបានកាន់តែសមរម្យ និង ទី៣ តម្រូវការផ្នែកយុត្តិធ៌មសង្គម ។ ទន្ទឹមនោះសំណូមពរឲ្យមន្ត្រី បុគ្គលិក កងកម្លាំងសមត្ថកិច្ចទាំងអស់ក្នុងការបម្រើសេវាជូនប្រជាពលរដ្ឋ ត្រូវប្រកាន់ខ្ជាប់លក្ខខណ្ឌបីយ៉ាងគឺ ៖ គុណភាព , សុវត្តិភាព និង និរន្តរភាព ។ កិច្ចការចំពោះមុខ សូមយកចិត្តទុកដាក់អនុវត្តន៍ឲ្យមានប្រសិទ្ធភាពនូវគោលនយោបាយ ” ភូមិ ឃុំ មានសុវត្តិភាព , ការគ្រប់គ្រងប្រជាពលរដ្ឋ , ការអភិវឌ្ឍមូលដ្ឋាន , ការងាឆ្ពោះទៅកាន់ការបោះឆ្នោតជ្រើសតាំងតំណាងរាស្ត្រនីតិកាលទី៧ និង ត្រូវបន្តចុះអប់រំសុខភាពជូនប្រជាពលរដ្ឋដើម្បីបង្ការទប់ស្កាត់ការរីករាលដាលនូវជំងឺគ្រប់ប្រភេទ បន្តអនុវត្តនូវវិធានការ៣ការពារ និង ៣កុំ ដើម្បីទប់ស្កាត់ការរីរាលដាលនៃជំងឺកូវីដ-១៩ បំផុសឲ្យប្រជាពលរដ្ឋអញ្ជើញមកទទួលវ៉ាក់សាំងការពារជំងឺកូវីដ-១៩ ដូសជំរុញបន្តទៀតឲ្យបានគ្រប់ៗគ្នាដើម្បីបង្កើនភាពស៊ាំក្នុងសហគមន៍ ។
    មុននឹងបញ្ចប់កម្មវិធីសំណេះសំណាលបានប្រគល់ជូននូវឧបករណ៍តេស្តរហ័ស( Rapid Test )កូវីដ-១៩ ចំនួន ១៣៧ប្រអប់ ស្មើនឹងឧបករណ៍តេស្តចំនួន ៣ ៤២៥តេស្តជូនដល់រដ្ឋបាលស្រុក មន្ទីរពេទ្យបង្អែកទាំងពីរកន្លែង និង មណ្ឌលសុខភាពទាំង១៣ ព្រមទាំងបានឧបត្ថម្ភថវិកាជូនដល់លោកមេឃុំទាំង១៥ឃុំ ផងដែរ ។

     


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានអញ្ជើញជាអធិបតីភាព ក្នុងកិច្ចប្រជុំបូកសរុបលទ្ធផលការងាររបស់ អគ្គលេខាធិការដ្ឋានព្រឹទ្ធសភាប្រចាំខែកុម្ភៈ និងកំណត់ទិសដៅការងារប្រចាំខែមីនា ឆ្នាំ២០២៤ 
    thumbnail
     
    ឯកឧត្តម ឡៅ ឆន បានរៀបចំចង្ហាន់ បង្អែម ភេសជ្ជៈ និងថវិកាមួយចំនួន ធ្វើសង្ឃទាន និងវេរប្រគេនព្រះសង្ឃចំនួន២វត្ត ស្ថិតនៅក្រុងសៀមរាប ខេត្តសៀមរាប
    thumbnail
     
    ឯកឧត្តមកិត្តិនីតិកោសលបណ្ឌិត ស៊ឹម កា ដឹកនាំគណៈប្រតិភូព្រឹទ្ធសភា អញ្ជើញគោរពវិញ្ញាណក្ខន្ធព្រះសពសម្ដេចព្រះអគ្គមហាសង្ឃរាជាធិបតីកិត្តិឧទ្ទេសបណ្ឌិត ទេព វង្ស
    thumbnail
     
    សម្តេចវិបុលសេនាភក្តី សាយ ឈុំ ប្រមុខរដ្ឋស្តីទី នៃព្រះរាជាណាចក្រកម្ពុជា បានអញ្ជើញដាក់កម្រងផ្កាគោរពវិញ្ញាណក្ខន្ធព្រះសពសម្តេចព្រះអគ្គមហាសង្ឃរាជាធិបតីកិត្តិឧទ្ទេសបណ្ឌិត ទេព វង្ស សម្ដេចព្រះមហាសង្ឃរាជនៃព្រះរាជាណាចក្រកម្ពុជា
    thumbnail
     
    ឯកឧត្តម យ៉ង់ សែម បានអញ្ជើញដឹកនាំកិច្ចប្រជុំត្រៀមលក្ខណៈសម្រាប់ការចូលរួមមហាសន្និបាតសហភាពអន្តរសភាលើក១៤៨ (IPU-148) នៅទីក្រុងហ្សឺណែល ប្រទេសស្វីស