នារសៀលថ្ងៃទី១០ ខែមីនា ឆ្នាំ២០២៣ លោកជំទាវ មាន សំអាន ប្រធានគណៈកម្មការទី៨ព្រឹទ្ធសភា និងជាអនុប្រធានសមាគមន៍នារីកម្ពុជាដើម្បីសន្តិភាព និងអភិវឌ្ឍន៍ បានអញ្ជើញជាអធិបតីភាពក្នុងពិធីសំណេះសំណាល និងចែកចង្រ្កានសន្សំសំចៃថាមពល ជូនប្រជាពលរដ្ឋក្រុងកែបចំនួន ១.៤០៥គ្រួសារ នៅពហុកីឡដ្ឋានខេត្តកែប។
ពិធីសំណេះសំណាលប្រព្រឹត្តទៅដោយមានអញ្ជើញចូលរួមពីអភិបាល អភិបាលរងខេត្តកែប លោកជំទាវ លោកស្រី សមាជិកសមាគមនារី លោកជំទាវ លោក លោកស្រី សមាជិកាកិត្តិយគណៈកម្មការសាខាសមាគមនារី កម្ពុជាដើម្បីសន្តិភាព និងអភិវឌ្ឍន៍ខេត្ត លោក លោកស្រីប្រធានមន្ទីរអង្គភាពជុំវិញខេត្ត លោកអភិបាលនៃគណៈអភិបាលក្រុង ស្រុក ប្រធានការិយាល័យសុខុមាលភាពសង្គមក្រុង តំណាងក្រុមហ៊ុន SIPCO ក្រុមប្រឹក្សាសង្កាត់ មេភូមិ សមាជិកាគណៈកម្មការសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្ត។
សូមជម្រាបថា ប្រជាពលរដ្ឋដែលអញ្ជើញមកទទួលចង្ក្រានសន្សំសំចៃថាមពល នាឱកាសនោះ មកពីសង្កាត់ចំនួន០៣គឺ៖
១.សង្កាត់កែប ចំនួន០២ភូមិ ទទួលបាន ២៦៩ចង្ក្រាន។
២.សង្កាត់ព្រៃធំ ចំនួន០៣ភូមិ ទទួលបាន ៦០៥ចង្ក្រាន។
៣.សង្កាត់អូរក្រសារ ចំនួន០២ភូមិ ទទួលបាន៥៣១ចង្ក្រាន៕

ប្រភព៖ នាយកដ្ឋានព័ត៌មាន