khmer eng
  • ក្រុមសមាជិកាព្រឹទ្ធសភាប្រជុំជាមួយសម្ព័ន្ធភាពជាតិក្រុមប្រឹក្សាថ្នាក់មូលដ្ឋានលើគម្រោង PMI-WILL
     
    ចែករំលែក ៖

    នាព្រឹកថ្ងៃទី១៦ ខែមីនា ឆ្នាំ២០២៣ ក្រុមសមាជិកាព្រឹទ្ធសភា បានប្រជុំជាមួយនឹងសម្ព័ន្ធភាពជាតិក្រុមប្រឹក្សាថ្នាក់មូលដ្ឋាន ស្តីពីគម្រោងភាពជាដៃគូសម្រាប់គំនិតច្នៃប្រឌិតរបស់ទីក្រុងលើការដឹកនាំរបស់ស្ត្រីនៅមូលដ្ឋាន (PMI-WILL) នៅសាលសិក្ខាសាលាបណ្ណាល័យព្រឹទ្ធសភា។
    កិច្ចប្រជុំនេះប្រព្រឹត្តទៅក្រោមអធិបតីភាពលោកជំទាវ មាន សំអាន ប្រធានក្រុមសមាជិកាព្រឹទ្ធ សភា និងជាប្រធានគណៈកម្មការទី៨ព្រឹទ្ធសភា ដោយមានការអញ្ជើញចូលរួមពីសមាជិក សមាជិកាព្រឹទ្ធសភា ថ្នាក់ដឹកនាំ និងមន្រ្តីសម្ព័ន្ធភាពជាតិក្រុមប្រឹក្សាថ្នាក់មូលដ្ឋាន តំណាងអ្នកសម្របសម្រួលគម្រោង PMI-WILL ថ្នាក់ដឹកនាំ និងមន្ត្រីរាជការនៃអគ្គលេខាធិការដ្ឋានព្រឹទ្ធសភា សរុបចំនួន១៣០នាក់ ។
    កិច្ចប្រជុំនាព្រឹកនេះ ដំណើរការទៅបានតាមកម្មវិធីសំខាន់ៗរួមមាន៖
    -មតិស្វាគមន៍របស់លោកជំទាវ មាន សំអាន ប្រធានក្រុមសមាជិកាព្រឹទ្ធសភា។
    -ចំណាប់អារម្មណ៍របស់ឯកឧត្តម សយ កុសល ប្រធានសម្ព័ន្ធភាពជាតិក្រុមប្រឹក្សាថ្នាក់មូលដ្ឋាន។
    -បទបង្ហាញអំពីគម្រោង PMI-WILL ដោយលោកស្រី អ៊ុ ឆវណ្ណចន្នី អ្នកសម្របសម្រួលគម្រោងPMI-WILL។
    -កិច្ចពិភាក្សាអំពីគម្រោង
    -អនុសាសន៍របស់លោកជំទាវ មាន សំអាន ប្រធានក្រុមសមាជិកាព្រឹទ្ធសភា សម្រាប់ការបន្តអនុវត្តគម្រោង។
    សូមជម្រាបថា គម្រោង PMI-WILL មានការគាំទ្រអនុវត្តពីសហព័ន្ធទីក្រុងនៃប្រទេសកាណាដា (FCM) ក្នុងភាពជាដៃគូជាមួយសមាគមរដ្ឋបាលមូលដ្ឋានក្នុងប្រទេសចំនួន ៥ គឺ បេណាំង កម្ពុជា ហ្គាណា ស្រីលង្កា និងហ្សំប៊ើ។ គម្រោង PMI-WILL មានរយៈពេល ៦ឆ្នាំ (២០២១-២០២៧) ធ្វើការឆ្ពោះទៅរកគោលបំណងសំខាន់ៗ ចំនួនពីរគឺ៖
    ១.បង្កើនសមត្ថភាពរបស់ស្ត្រីក្នុងការដឹកនាំនៅក្នុងអភិបាលកិច្ចមូលដ្ឋាន។
    ២.បង្កើនសមត្ថភាពរបស់រដ្ឋបាលមូលដ្ឋានក្នុងការផ្តល់សេវាដែលមានលក្ខណៈបរិយាប័ន្ន ឆ្លើយតបនឹងយេនឌ័រ៕

    ប្រភព៖ នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    ក្រុមសមាជិកព្រឹទ្ធសភា ប្រចាំភូមិភាគទី៦ បានអញ្ជើញចូលរួម ពិធីសែនព្រេនបួងសួងសុំសេចក្ដីសុខ ជូនប្រជាពលរដ្ឋខេត្តព្រៃវែង
    thumbnail
     
    សម្តេចវិបុលសេនាភក្តី សាយ ឈុំ ប្រធានព្រឹទ្ធសភា បានអញ្ជើញចូលរួមថ្វាយព្រះរាជដំណើរព្រះព្រះមហាក្សត្រ និងសម្តេចម៉ែស្តេចយាងទៅកាន់ប្រទេសចិន
    thumbnail
     
    សម្តេចវិបុលសេនាភក្តី សាយ ឈុំ អញ្ជើញចូលរួមបុណ្យខួប ១០០ថ្ងៃ ឧទ្ទិសមហាកុសលជូនចំពោះដួងវិញ្ញាណក្ខន្ធមហាឧបាសិកាពុទ្ធសាសនូបត្ថម្ភក៍ យិប ថាំកេសន
    thumbnail
     
    សារលិខិតជូនពររបស់ឯកឧត្តមកិត្តិសង្គហបណ្ឌិត ទេព ងន អនុប្រធានទី២ព្រឹទ្ធសភា គោរពជូន សម្តេចធម្មវិសុទ្ធវង្សា សៅ ទី ហេង សំរិន ក្នុងឱកាសចម្រើនជន្មាយុរបស់ សម្តេចធម្មវិសុទ្ធវង្សា
    thumbnail
     
    សារលិខិតជូនពររបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា ជូន ឯកឧត្តម កែ គឹមយ៉ាន ឧត្ដមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសចម្រើនជន្មាយុរបស់ ឯកឧត្តម