khmer eng
  • ក្រុមសមាជិកព្រឹទ្ធសភាប្រចាំភូមិភាគទី២ អញ្ជើញសំណេះសំណាលអាជ្ញាធរ ឃុំចំនួន០៤ ក្នុងស្រុកតំបែរ
     
    ចែករំលែក ៖

    នាព្រឹកថ្ងៃទី១៦ ខែមីនា ឆ្នាំ២០២៣ នៅសាលាឃុំស្រុកតំបែរ ក្រុមសមាជិកព្រឹទ្ធសភាប្រចាំភូមិភាគទី២ ដឹកនាំដោយឯកឧត្តម អ៊ុក ប៊ុនឈឿន ប្រធានក្រុម បានអញ្ជើញចុះជួបសំណេះសំណាលជាមួយនឹងអាជ្ញាធរនៃឃុំចំនួន០៤ឃុំ គឺឃុំសេដា ឃុំតំបែរ ឃុំគោកស្រុកនិងឃុំត្រពាំងព្រីង ស្ថិតក្នុងស្រុកតំបែរ ខេត្តត្បូងឃ្មុំ ក្នុងគោលបំណងស្វែងយល់អំពីការអនុវត្តគោលនយោបាយវិមជ្ឈការ វិសហមជ្ឈការនៅថ្នាក់មូលដ្ឋាន ការអនុវត្តគោលនយោបាយភូមិ ឃុំមានសុវត្ថិភាព និងការបម្រើសេវារដ្ឋបាលសាធារណៈជូនប្រជាពលរដ្ឋ ព្រមទាំងស្តាប់នូវបញ្ហាប្រឈម សំណូមពរដែលអាជ្ញារនៃឃុំទាំង០៤បានជួបប្រទះចំពោះការអនុវត្តការងារនាពេលកន្លងមក។
    ពិធីនេះមានការអញ្ជើញចូលរួមប្រធានសមាគមក្រុមប្រឹក្សាក្រុង ស្រុក ឃុំ សង្កាត់ ខេត្តត្បូងឃ្មុំ ប្រធានក្រុមប្រឹក្សាស្រុកតំបែរ អភិបាលស្រុកតំបែរ ក្រុមប្រឹក្សាឃុំ ស្មៀនឃុំ និងនាយប៉ុស្តិ៍នគរបាលនៃឃុំទាំង០៤ ព្រមទាំងមន្រ្តីរាជការនៃអគ្គលេខាធិការដ្ឋានព្រឹទ្ធសភាអមដំណើរក្រុមសមាជិកព្រឹទ្ធសភាប្រចាំភូមិភាគទី២សរុបចំនួន៤១នាក់។
    បន្ទាប់ពីបានស្តាប់នូវសេចក្តីរាយការណ៍ដែលលើកឡើងដោយអាជ្ញាធរនៃឃុំទាំង០៤ពាក់ព័ន្ធនឹងការអនុវត្តគោលនយោបាយវិមជ្ឈការ វិសហមជ្ឈការនៅថ្នាក់មូលដ្ឋាន ការអនុវត្តគោលនយោបាយភូមិ ឃុំមានសុវត្ថិភាព និងការបម្រើសេវារដ្ឋបាលសាធារណៈជូនប្រជាពលរដ្ឋ ព្រមទាំងបញ្ហាប្រឈម សំណូមពររួចមក ក្រុមសមាជិកព្រឹទ្ធសភាប្រចាំភូមិភាគទី២ ក៏បានផ្តល់នូវអនុសាសន៍មួយចំនួនដែលជាគន្លឹះក៏ដូចជាចំណេះដឹង និងបទពិសោធន៍សម្រាប់អាជ្ញាធរនៃឃុំទាំង០៤យកទៅអនុវត្ត ក្នុងន័យបង្កលក្ខណៈឲ្យកាន់តែប្រសើរឡើងនូវការអនុវត្តការងារជាក់ស្តែង។
    ក្នុងឱកាសនោះដែរ ឯកឧត្តម ឆាយ វណ្ណា លេខាធិការក្រុមសមាជិកព្រឹទ្ធសភាប្រចាំភូមិភាគទី២ បានធ្វើបអបង្ហាញអំពីគោលនយោបាយភូមិ ឃុំមានសុវត្ថិភាព និងឯកឧត្តម ឡាន់ ឆន សមាជិកក្រុមសមាជិកព្រឹទ្ធសភាប្រចាំភូមិភាគទី២ ធ្វើបទបង្ហាញអំពី វិមជ្ឈការ វិសហមជ្ឈការ ជូនដល់អង្គពិធី។
    ក្នុងបរិយាកាសដ៏ប្រសើរនេះ ក្រុមសមាជិកព្រឹទ្ធសភាប្រចាំភូមិភាគទី២ ក៏បានផ្តល់ជូនដល់អាជ្ញាធរនៃឃុំទាំង០៤ ដែលបានអញ្ជើញចូលរួមដោយក្នុងម្នាក់ៗទទួលបានឧបករណ៍តេសត្តរហ័សជំងឺកូវិដ-១៩ ចំនួន០១ប្រអប់តូច និងជែលលាងដៃ០១ដប ចំណុះ៥០០ml។

    ប្រភព៖ នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម ទឹម ផន បានអញ្ជើញចុះជួបសំណេះសំណាល និងនាំយកឧបករណ៍តេស្តរហ័សកូវីដ-១៩ ផ្តល់ជូនដល់រដ្ឋបាលស្រុក មន្ទីរពេទ្យបង្អែកស្រុក រដ្ឋបាលឃុំទាំង១១ ក្នុងស្រុកស្វាយឣន្ទរ 
    thumbnail
     
    អគ្គលេខាធិការដ្ឋានព្រឹទ្ធសភា ប្រជុំបូកសរុបលទ្ធផលការងារប្រចាំខែមីនា និងត្រីមាសទី១ ២០២៣ ព្រមទាំងលើកទិសដៅការងារបន្ត
    thumbnail
     
    ឯកឧត្តម ទឹម ផន បានអញ្ជើញចុះជួបសំណេះសំណាលរដ្ឋបាលឃុំទាំង៩ ក្នុងស្រុកពារាំង
    thumbnail
     
    ក្រុមសមាជិកព្រឹទ្ធសភាប្រចាំភូមិភាគទី៥ បានបន្តសម្របសម្រួលជូនក្រុមគ្រូពេទ្យស្ម័គ្រចិត្តប្រទេសបារាំង ពិនិត្យ និង ព្យាបាលជំងឺដោយមិនយកកម្រៃជូនប្រជាជនក្នុងស្រុកដំណាក់ចង្អើរ ខេត្តកែប 
    thumbnail
     
    ឯកឧត្តម ទេព យុទ្ធី បានអញ្ជើញចូលរួមពិធីបុណ្យសពលោក ម៉ុក សែន ជំនួយការគជប និង ជាអតីតប្រធានគណៈកម្មការរៀបចំការបោះឆ្នោតខេត្តកែប