khmer eng
  • លោកជំទាវ ចឹក ហេង បានចុះសំណេះសំណាល និងសួរសុខទុក្ខក្រុមប្រឹក្សាឃុំ ប៉ូលីសប៉ុស្តិ៍ និងស្មៀននៅសាលាឃុំរហ័ស ស្រុករវៀង ខេត្តព្រះវិហារ
     
    ចែករំលែក ៖

    រសៀលថ្ងៃទី២១ ខែមិនា ឆ្នាំ២០២៣ លោកជំទាវ ចឹក ហេង សមាជិកាព្រឹទ្ធសភាប្រចាំភូមិភាគទី៨ បានចុះសំណេះសំណាល និងសួរសុខទុក្ខក្រុមប្រឹក្សាឃុំ ប៉ូលីសប៉ុស្តិ៍ និងស្មៀននៅសាលាឃុំ រហ័ស រួមដំណើរមានលោក មុយ វុនអភិបាលរងស្រុក លោកស្រី នាយករងរដ្ឋបាល សាលាស្រុក ។ក្នុងពិធីសំណេះសំណាលនោះលោកជំទាវបានថ្លែងអំណរគុណចំពោះការខិតខំប្រឹងប្រែងបំពេញការងារប្រចាំថ្ងៃ និង ការផ្តាំផ្ញើសួរសុខទុក្ខរបស់សម្តេចប្រធាន ដល់លោកមេឃុំ សមាជិកក្រុមប្រឹក្សាឃុំទាំងអស់ ។ក្រោយពីបានស្តាប់របាយការណ៏លោកមេឃុំ និងមានសមាជិករួច លោកជំទាវ បានមានប្រសាសន៏សំណូមពរ អោយ ក្រុមប្រឹក្សាឃុំទាំងអស់ផ្តល់ សេវាជូនប្រជាពលរដ្ឋ អោយទាន់ពេលវេលា និងផ្សព្វផ្សាយ ស្តីពីភូមិឃុំ មានសុវត្ថិភាព អប់រំបញ្ហាសុខភាពសំរាប់ស្ត្រី និងកុមារ នាំគ្នាទទួលការចាក់វ៉ាក់សាំងកូវីត-១៩ តាមការកំណត់របស់ ក្រសួងសុខាភិបាល ។ក្នុងពេលនោះលោកជំទាវនាំយកតេស្តរកមេរោគកូវីដ_១៩ជាអំណោយ របស់សម្តេចប្រធានព្រឹទ្ធសភា ចំនួន ០៣ប្រអប់ ម៉ាស់ចំនួន ៥០០ម៉ាស់ ប្រអប់សង្គ្រោះបឋមចំនួន ០២ប្រអប់ និងបាន ឧបត្ថម្ភថវិកាដល់អ្នកចូលរួម ចំនួន១៤នាក់ ដោយម្នាក់ៗទទួលបានថវិកា២០ ០០០រៀល។បន្ទាប់មកក្នុងការធ្វើដំណើរឆ្លងកាត់លោកជំទាវបានចូលទៅសាលាឃុំរស្មី បានផ្តល់តេស្តកូវីដ_១៩ ចំនួន ០៣ប្រអប់ និងឧបត្ថម្ភសាលាស្រុក និងឃុំចំនួន២ មានតេស្តរកមេរោគកូវីដ-១៩ ចំនួន ០៩ប្រអប់ និង ប្រអប់សង្គ្រោះបឋមចំនួន ០២ប្រអប់ ស្ថិតនៅស្រុករវៀង ខេត្តព្រះវិហារ។

     


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម គឹម ធា ជាសមាជិកក្រុមសមាជិកព្រឹទ្ធសភាប្រចាំភូមិភាគទី៦ បានអញ្ជើញអមដំណើរសម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ចូលរួមជាអធិបតីដ៏ខ្ពង់ខ្ពស់ក្នុងពិធីសម្ពោធប្រគល់អណ្តូងទឹកចំនួន១៧អណ្តូង
    thumbnail
     
    ឯកឧត្តម ឈើយ ចាន់ណា បានអញ្ជើញដាំកូនឈើ និងចែកជូនកូនឈើដល់សាលារៀនមួយចំនួនក្នុងស្រុកស្វាយចេក ខេត្តបន្ទាយមានជ័យ
    thumbnail
     
    ឯកឧត្តមបណ្ឌិត ធន់ វឌ្ឍនា ដឹកនាំកិច្ចប្រជុំរបស់គណៈកម្មការទី២ ព្រឹទ្ធសភា
    thumbnail
     
    ក្រុមសមាជិកព្រឹទ្ធសភាប្រចាំភូមិភាគទី៥ ចុះពិនិត្យស្រះទឹក និងដាំកូនឈើប្រណិត នៅស្រុកកំពង់ត្រាច ខេត្តកំពត
    thumbnail
     
    ឯកឧត្តម ស្លេះពុនយ៉ាមុីន សមាជិកព្រឹទ្ធសភា ប្រចាំភូមិភាគ២ បានចុះសួរសុខទុក្ខនិងសំណេះសំណាលជាមួយលោកគ្រូ អ្នកគ្រូខ្មែរឥស្លាមនៃអនុវិទ្យាល័យ សម្តេចតេជោ ហ៊ុនសែន