khmer eng
  • ឯកឧត្តម ម៉ាន់ ឈឿន បានអញ្ជើញចូលរួមប្រជុំជាមួយក្រុមប្រឹក្សាសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ
     
    ចែករំលែក ៖

    ព្រឹកថ្ងៃពុធ ទី២២ ខែមីនា ឆ្នាំ២០២៣ ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី១ បានអញ្ជើញចូលរួមប្រជុំជាមួយក្រុមប្រឹក្សាសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ ដើម្បីស្តាប់របាយការណ៍ ស្តីពីការខិតខំបម្រើសេវាសាធារណៈជូនបងប្អូនប្រជាពលរដ្ឋក្នុងខែមីនា ឆ្នាំ២០២៣ និងទិសដៅការងារជាអាទិភាពបន្តខែមេសា ឆ្នាំ២០២៣ រួមមាន ៖ ១-គណៈបញ្ជាការឯកភាពសង្កាត់ ត្រូវបន្តបែងភារកិច្ច ជូនអង្គភាពជំនាញស្របតាមសេចក្តីជូនដំណឹង សំដៅធានារក្សាការពារសន្តិសុខសណ្តាប់ធ្នាប់ឱ្យបានល្អប្រសើរ និងសប្បាយរីករាយក្នុងឱកាសបុណ្យចូលឆ្នាំថ្មីប្រពៃណីជាតិ នាពេលខាងមុខ។ ២-បន្តរួមគ្នាបង្កើនស្នាដៃការងារ ឱ្យស្របតាមសេចក្តីប្រកាសរបស់ក្រុមប្រឹក្សាប្រឡងប្រណាំងអនុវត្តន៍គោលនយោបាយភូមិ សង្កាត់ មានសុវត្ថិភាព។ ៣-បន្តរួមគ្នាដោះស្រាយកង្វល់ និងសំណូមពរបន្ទាន់នានា ឱ្យបានកាន់តែល្អប្រសើរប្រកបដោយទំនុកចិត្ត ក្នុងបរិយាកាសស្និទ្ធិស្នាល សុខដុមរមនាជូនបងប្អូនប្រជាពលរដ្ឋនៅមូលដ្ឋាន។ ដោយសេចក្តីគោរព អាណិតស្រឡាញ់ ឯកឧត្តម បាន ឧបត្ថម្ភថវិកាប្រចាំខែមីនា ឆ្នាំ២០២៣ សម្រាប់ជួយថែទាំការពារសុខភាពមនុស្សចាស់ផងដែរ។

     


    អត្ថបទពាក់ព័ន្ធ
       អត្ថបទថ្មី
    thumbnail
     
    លោកជំទាវ មុំ សណ្តាប់ បានអញ្ជើញជាអធិបតីភាព ក្នុងពិធីជួបសំណេះសំណាល សួរសុខទុក្ខប្រជាពលរដ្ឋ និងជាក្រុមសហជីព មកពីភូមិទាំង៥ ក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ
    thumbnail
     
    ឯកឧត្តម អ៊ុំ សារឹទ្ធ ដឹកនាំកិច្ចប្រជុំក្រុមសមាជរដ្ឋសភានិងព្រឹទ្ធសភារបស់សមាជិកព្រឹទ្ធសភា នៃក្រុមទី៤
    thumbnail
     
    លោកជំទាវបណ្ឌិត ចាន់ សុទ្ធាវី ដឹកនាំកិច្ចប្រជុំក្រុមស្រាវជ្រាវរបស់គណៈកម្មការពិសេស នៃក្រុមទី១
    thumbnail
     
    សមាជិក សមាជិកាព្រឹទ្ធសភា អញ្ជើញចូលរួមកិច្ចប្រជុំពិនិត្យពិភាក្សាកិច្ចការងារមួយចំនួននៅវិមានរដ្ឋសភា
    thumbnail
     
    លោកជំទាវបណ្ឌិត ចាន់ សុទ្ធាវី ដឹកនាំកិច្ចប្រជុំក្រុមសមាជរដ្ឋសភា និងព្រឹទ្ធសភារបស់សមាជិកព្រឹទ្ធសភា នៃក្រុមទី៣