នាព្រឹកថ្ងៃទី២៦ ខែមីនា ឆ្នាំ២០២៣ លោកជំទាវ ជា ច័ន្ទទេវី សមាជិកាគណៈកម្មការទី៥ព្រឹទ្ធសភា បានអញ្ជើញជាអធិបតីភាពក្នុងពិធីសម្ពោធដាក់ឱ្យប្រើប្រាស់ជាផ្លូវការនូវសមិទ្ធផលនានា រួមមាន៖ មហាកុដិ របងវត្ត និងខ្លោងទ្វារ នៅវត្តឧត្តមមានជ័យសិរីមហាតេជោ (ហៅវត្តជ្រោះជ្រៅ) ស្ថិតក្នុងភូមិជ្រោះជ្រៅពោធិ៍សាល ឃុំគ្រញូងសែនជ័យ ស្រុកស្នួល ខេត្តក្រចេះ ដោយមានការអញ្ជើញចូលរួមពីពុទ្ធបរិស័ទចំណុះជើងវត្តជាច្រើនរូប។
ក្នុងឱកាសនោះ លោកជំទាវ បានប្រគេនឧបករណ៍តេសរហ័សជំងឺកូវិដ-១៩ ចំនួន២៧ប្រអប់ដល់ព្រះចៅអធិការវត្ត ព្រមទាំងជូនដល់បងប្អូនពុទ្ធបរិស័ទចំណុះជើងវត្តចំនួន៣០នាក់ ដោយក្នុងម្នាក់ៗទទួលបានសារ៉ុងចំនួន០១៕
ប្រភព៖ នាយកដ្ឋានព័ត៌មាន
