រសៀលថ្ងៃទី២៧ ខែមីនា ឆ្នាំ២០២៣ ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី១ និងលោកជំទាវ មុំ សណ្តាប់ លេខាធិការគណៈកម្មការទី៨ ព្រឹទ្ធសភា បានអញ្ជើញចូលរួមពិធីសំណេះសំណាលជាមួយព្រះសង្ឃ គណៈកម្មការអាចារ្យវត្ត សីលវ័ន្ត សីលវតី និងសិស្ស និស្សិត ស្នាក់នៅទាំង១៣វត្ត និងផ្សព្វផ្សាយខ្លឹមសារសង្ឃប្រកាសអនុសំវច្ឆរមហាសន្និបាតមន្ត្រីសង្ឃទូទាំងប្រទេសលើកទី៣០ និងសេចក្តីសម្រេចចិត្តសង្ឃសន្និបាតមន្ត្រីសង្ឃរាជធានីភ្នំពេញ ប្រចាំឆ្នាំ២០២២ ដែលមានអ្នកចួលរួមសរុបចំនួន១៥២អង្គ/នាក់ ស្ថិតនៅវត្តជម្ពូវ័ន ខណ្ឌពោធិ៍សែនជ័យ រាជធានីភ្នំពេញ ក្រោមអធិបតីភាព ព្រះឧបាលិវង្ស វ៉ង់ គឹមសន ព្រះគ្រូអនុគណខណ្ឌពោធិ៍សែនជ័យ។ ថេរដីការរបស់ ព្រះឧបាលិវង្ស វ៉ង់ គឹមសន សូមព្រះចៅអធិការតាមបណ្តាវត្ត សូមរៀបចំទីធ្លាវត្តឲ្យបានស្អាត សម្រាប់បុណ្យចូលឆ្នាំប្រពៃណីជាតិខ្មែរ ខាងមុខនេះ និងបន្តយកចិត្តទុកដាក់ដល់ការសិក្សារបស់ព្រះសង្ឃក្នុងវត្ត ព្រមទាំងបន្តសហការល្អជាមួយអាជ្ញាធរក្នុងមូលដ្ឋានក្នុងការចូលរួមថែរក្សាសន្តិភាព។ នាឱកាសនោះ ឯកឧត្តម ម៉ាន់ ឈឿន បានប្រគេនឯកសារ និងថវិកាមួយចំនួនផងដែរ។
